2 Samuel 24:10 - Maung A Balita Biblia

¹⁰ Balet kayariy impakabilang nen David ed saray totood Israel, ag pareenen na konsinsia to, kanyan kuantod Katawan, “Ambelat so kasalanan ko lapud sayan ginawak! Pirdona mo ak pa. Inaambagel so ginawak.”

Maung a Balita Biblia

¹⁰ Balet kayariy impakabilang nen David ed saray totood Israel, ag pareenen na konsinsia to, kanyan kuantod Katawan, Ambelat so kasalanan ko lapud sayan ginawak! Pirdona mo ak pa. Inaambagel so ginawak.

2 Samuel 24:10 Iomraidhean Croise

2 Samuel 12:13

“Nankasalanan ak ed Katawan,” kuanen David ed kinen Natan. Inmebat si Natan, “Pinirdona ka na Katawan; ag ka ompatey.

2 Samuel 24:17

Anengneng nen David imay anghil a mamapatey na saray totoo, tan kuantod Katawan, “Siak so nankasalanan. Siak so nanggaway kaogsan. Antoy ginawa na sarayan totoo? Nepeg a siak tan say pamilyak so dusaen mo.”

1 Saray Arari 8:35

“No mankasalanan ed sika ray totoom, et dusaen mo ra diad panamegley na ag mo pangiter na oran, insan ira magbabawi tan onarap irad sayan Timplo diad pampikasi ra,

1 Saray Awaran 21:7

Ag akaliket so Dios ed sayan agawa, kanyan dinusa toy bansa na Israel.

1 Saray Awaran 21:8

Inkuanen David ed Dios, “Ambelat so kasalanan ko lapud sayan ginawak! Pirdona mo ak pa. Inaambagel so ginawak.”

2 Saray Awaran 16:9

Iimanoen a maung na Katawan so sankamundoan, pian naitdan to na pakayari iray totoon matoor ed sikato so kapusoan da. Kakulang-kulangan so ginawam, kanyan manlapud natan lawas kan mibakal.”

2 Saray Awaran 32:26

Diad kaonuran balet, nampaabeba si Ezekias tan saray totood Jerusalem, kanyan ag dinusa na Katawan iray totoo legan na impanbilay nen Ezekias.

Say Libro nen Job 7:21

Ag mo tan balut napirdonay kasalanan ko? Ag mo ta napaandi so kaogsan a gagawaen ko? Ag mabayag wala ak lad lobuk, et anggapo ak la no anapen mo ak.”

Saray Salmo 32:5

Insan impatwak iray kasalanan kod sika; ag ko inyamut iray maoges a ginagawak. Ginetmak ya ipatwak irad sika, et pinirdonam ya amin iray kasalanan ko.

Exodo 10:16

Insan say ari impaawit ton tampol ira di Moises tan Aaron tan kuanto, “Nankasalanan ak ed Katawan a Dios yo tan diad sikayo.

Probirbio 28:13

Ag ka onaligwas ed bilay no iyamut mo ray kasalanan mo, balet no ipatwam ira tan ibeneg mo la ra, kasian ka na Dios.

Oseas 14:2

Pawil kayod Katawan, tan iyapay yo yan pikakasi ed sikato: “Pirdonam pan amin iray kasalanan mid sika, Katawan, tan dengel mo pay pikakasi mi; et diad ontan idayew mi ka onung na insipan mi.

Joel 2:12

“Balet anggan natan,” kuay Katawan! “masimoon kayon magbabawi tan pawil kayod siak a manaayuno, mannangnangis, tan maneermen kayo.

Saray Bilang 12:11

inkuantod kinen Moises, “Ipangasim ya ag mo kami panliliknaen na onyan dusa lapud kasalanan min impanbalaw mid sika.

Marcos 7:22

pikakaloguran, panagagom, tan amin iray kaogsan a singa panagsaol, panaggaway karumsisan, panagimon, panagpaoges ed kaparan too, panagpaatagey na linawa, kaambagelan.

Juan 1:29

Diad kaimbwasan, anengneng nen Juan si Jesus ya ondaragod sikato. Inkuanto, “Nia so Kordiro na Dios a mangekal na kasalanay sankamundoan.

Juan 8:9

Nen nadngel da ya, tinmaynan iran sansakey, manlapud sankamasikenan ed sikara. Atilak a bukor si Jesus tan samay bii a wadman nin manalalagey ed arap nen Jesus.

Deuteronomio 32:6

Onya so labay yon ibales ed Katawan, sikayon totoon makulang-kulang tan anggapoy liknaan? Sikato so ama yo ya amalsad sikayo, inletneg to kayo a sakey a bansa.

Tito 3:3

Ta nen saman makulang-kulang itayo met, benger, tan apalingo. Naaripen itayoy maoges a pilalek na laman tan minumundo ran likeliket. Nambilay itayon maoges so kanunotan, maimon itayo; binobosul da itayo tan binobosul tayo ra.

1 Juan 1:9

Balet no ipatwa tayod Dios iray kasalanan tayo, pirdonaen to ray kasalanan tayo tan gawaen to itayon malinis diad pangekal to ray amin a kaogsan ed bilay tayo, lapud sikato et matoor tan matonung.

1 Samuel 13:13

“Kalokowan so ginawam,” ebat nen Samuel. “Ag mo inonur so ingganggan ed sika na Katawan a Dios mo. No inonur mo komun, abuloyan to ka tan saray kabyangay boleg mo a manoley ya anggad angga ed Israel.

1 Samuel 24:5

Balet kabebekta ag pinareen na konsinsia to,

1 Samuel 24:6

tan kuantod saray totoo to, “Ag iyabuloy komun na Katawan a pasakitan koy pinili ton ari! Ag ko nepeg a pasakitan ta sikatoy ari a pinili na Katawan!”

1 Samuel 26:21

Inmebat si Saul, “Makapoy so ginawak. Pawil ka la, David, ya anak ko! Ag ta ka lan balut pasakitan, ta ag mo ak pinatey ed sayan labi. Nakalan ak na kalakal! Maoges a tuloy so ginawak!”