2 Samuel 24:1 - Maung A Balita Biblia

¹ Aminsan akapasnuk so Katawan ed Israel, kanyan tinanggoyur ton mangiter na gunigon ed saray Israelita si David. Inkuan na Katawan ed sikato, “Laka, ta bilang mo ray totood Israel tan Juda.”

Maung a Balita Biblia

¹ Aminsan akapasnuk so Katawan ed Israel, kanyan tinanggoyur ton mangiter na gunigon ed saray Israelita si David. Inkuan na Katawan ed sikato, Laka, ta bilang mo ray totood Israel tan Juda.

2 Samuel 24:1 Iomraidhean Croise

Genesis 45:5

Ag kayo mapaga tan ag yo tetetelen so sikayon dili lapud inlako yo ak dia. Ta say Dios so angibakid siak dia ya onaan nen say sikayo, pian mambilay iray totoo.

Genesis 50:20

Nankokomplutan yo ak a nanggawaay maoges, balet say Dios impagmaliw to a pankaabigan iman a kaogsan, pian makapambilay iray amayamay a totoo, saray totoon mabilay natan lapud saman ya agawa.

2 Samuel 12:11

Tandaan mo, dagdagen ko a manngunigon ed sika so sakey a kabyangay pamilyam. Naimatunan mo ya, no alaen ko ray asawam insan ko ra iter ed sakey a laki; akdulan to ra ya anggan agew.

2 Samuel 16:10

Inkuan na ari ed sanagin si Abisai tan si Joab, “Anggapoy pibabali yod saya. No aayewen to ak lapud imbagay Katawan ed sikato, siopay toon walay kanepegan a manepet no akin et gagawaen to?”

2 Saray Arari 3:6

Tinaynan a tampol nen Ari Joram so Samaria, tan tinipon ton amin iray sondalo to.

1 Saray Awaran 21:1

Nilabay nen Satanas ya itday gunigon iray totood Israel, kanyan tinangguyor toy David ya alaen toy bilang da.

1 Saray Awaran 7:2

Anemiray lalakin anak nen Tola: di Uzi, Refaya, Jeriel, Jahmai, Ibsam, tan Samuel. Pangulo ra na saray pamilya na boleg nen Tola tan bantug iran sondalo. Diad panaon nen Ari David duamplo tan duan libo tan anem a lasus so bilang na saray kabyangay boleg da.

1 Saray Awaran 7:40

Kabyangan ira yan amin na tribu nen Aser. Pangulo ra na saray pamilya, masebeg tan maung iran mibakal, tan bantug iran pangulo. Duamplo tan anem a libon lalaki so nayarin mansondalo ed sikara.

2 Saray Awaran 32:25

Balet ontan lay impanpaatagey nen Ezekias ta ag to anggan impanengneng so pisasalamat tod Katawan ya amaabig ed sikato. Lapud saya nanliknay kairapan iray totood Juda tan Jerusalem.

Exodo 7:3

Balet paaweten koy puso na ari, tan ag to kayo dengelen, anggan antoy karakel so gawaen kon makapataktakot a bengatla ed Egipto.

Ezekiel 14:9

“No apalikdo so sakey a propita diad pangiter toy tilan ebat, siak a Katawan so amalikdod sikato. Sikatoy ekalen kon kabyangan na saray totood Israel.

Ezekiel 20:25

“Insan ko ra initdan na makapoy a bilin tan saray ganggan ya ag makapangiter na bilay.

Levitico 10:6

Insan inkuanen Moises ed kinen Aaron tan diad saray lalakin anak to a di Eleazar tan Itamar, “Ag yo papaolyan ya agotgot so buek yo, odino pipilaten iray kawes yo diad pangipanengneng yon maneermen kayo. No gawaen yo ompatey kayo, tan say Katawan mampasnuk ed amin ya Israelita. Balet amin a kapara yon Israelita et naabuloyan iran manermen, lapud sayan patey a say makasengeg et say apoy ya impelag na Katawan.

Saray Bilang 1:19

onung na ingganggan na Katawan. Diad Kalawakan na Sinai inlista nen Moises iray totoo.

Saray Gawgawa 4:28

Ginagawa ran amiy nakaukolan a nagawa, onung na inggetar mo la nen saman lapud pakayarim tan linawam.

2 TESALONICA 2:11

Lapud sayan ag da impangawat ed katwaan, iyaabuloy na Dios a mankimey so pakayariy tila ed sikara, pian sisiaen day tila.

Saray Huis 2:14

Kanyan mapalaloy impakapasnuk na Katawan ed sikara tan inabuloyan ton dinogpaan ira na saray kalaban da tan tinakewan ira. Inabuloyan to ran nipasilong ed pakayari na saray kalaban dad kaliber-liber da, tan saray Israelita et ag da niagel so sikaran dili.

Saray Huis 2:20

Insan say Katawan pinmetang so olo tod Israel tan kuanto, “Sayan bansa dineral day sipanan ya ingganggan kon onuren na saray atateng da. Lapud ag da ak inonur,

1 Samuel 26:19

Dengel mo pay ibagak, O ari. No say Katawan so anagdag ed sika a sumpaen mo ak, sakey a bagat komuy makaoman na kanunutan to; balet no totooy anagdag, isamba ra komun na Katawan. Pinataynan da ak manlapud dalin na Katawan tan apasoot ak a manayam ed sakey a bansa a saray diriyos to labat so nayarian kon igalang.