2 Samuel 23:20 - Maung A Balita Biblia

²⁰ Say lakin anak nen Joiada a si Benaya a taga Cabseel et sakey met nin bantug a sondalo; wala ray ginagawa ton makapakebiew. Pinatey toy duaran matalonggaring a bumabakal a taga Moab. Aminsan ya agew ya ambetebetel, linma ed dalem na ongib tan pinatey toy sakey a lion.

Maung a Balita Biblia

²⁰ Say lakin anak nen Joiada a si Benaya a taga Cabseel et sakey met nin bantug a sondalo; wala ray ginagawa ton makapakebiew. Pinatey toy duaran matalonggaring a bumabakal a taga Moab. Aminsan ya agew ya ambetebetel, linma ed dalem na ongib tan pinatey toy sakey a lion.

2 Samuel 23:20 Iomraidhean Croise

2 Samuel 1:23

“Saul tan Jonatan, pinabli tan inararo; sankaibad bilay, sankaibad patey. Maples ira nen saray agila, mabiskeg ira nen saray lion.

2 Samuel 20:23

Si Joab so pangulo na saray sondalod Israel; si Benaya a lakin anak nen Joiada so pangulo da ray bantay na ari;

2 Samuel 23:19

Sikatoy sankabantugan ed “Saray Talomplo,” kanyan nagmaliw a pangulo ra, balet ag to aparaan so inkabantug na “Saray Talora.”

2 Samuel 23:21

Pinatey to met so sakey ya Egipsion baleg so laman to tan nanarmas na pika. Pinekpek to na baston, sinamsam toy pika to tan sikatoy impamatey to.

2 Samuel 23:22

Saraya so ginagawa nen Benaya a sakey ed “Saray Talomplo.”

2 Samuel 8:18

si Benaya a lakin anak nen Joiada so akaoley ed saray bantay ed kinen David; tan saray lalakin anak nen David et papari ra.

1 Saray Arari 1:26

Balet ag to ak binagaan, Kagalang ya Ari; ag to met binagaan si Sadoc a pari, si Benaya odino anggan si Solomon.

1 Saray Arari 1:38

Kanyan si Sadoc, si Natan, si Benaya, tan saray umaantabay na ari et pinakabayo ray Solomon ed mula nen Ari David, tan inolup dan linmad Gihon.

1 Saray Arari 1:8

Balet ag akigampid sikato si Sadoc a pari, si Benaya a lakin anak nen Jehoyada, si Natan a propita, si Simei, si Rei, tan saray umaantabay ed kinen David.

1 Saray Arari 2:46

Insan ingganggan na ari si Benaya; linmay Benaya tan pinatey toy Simei. Kanyan maligen la natan so panaari nen Solomon.

1 Saray Awaran 12:8

Saya so kangaranan da ray bantug tan maung a sondalo a kabyangan iray tribu nen Gad ya akikasakey irad saray sondalo nen David nen sikatoy walad tirinsira ed kalawakan. Marunong iran mangikanay samper tan pika, masebeg a singa lion so nengneng na lupa ra, tan matalabit iran singa ulsad palandey.

1 Saray Awaran 18:17

si Benaya a lakin anak nen Joiada so makaoley ed saray umaantabay ed kinen David—salanti saray Kereteo tan saray Peleteo; tan saray lalakin anak nen Ari David et atatagey a betang so ineegnaan da diad impanlingkur dad sikato.

Exodo 15:15

Ataktakot iray pangulo na Edom; manggiwgiw iray makapanyarin totoo na Moab; nakalan na biskeg na linawa iray Cananeo.

Josue 15:21

Saray siudad a wala rad bandad abalaten a kayaryan da, ya asingger irad ketegan na Edom, et saraya: Cabseel, Eder, Jagur,