2 Samuel 23:10 - Maung A Balita Biblia

¹⁰ balet ag inmalis si Eleazar tan nilabanan to ray Filisteo ya anggad inkelat a maung na taklay to, kanyan ag to la naikbanan so ispada to. Diad saman ya agew, balbaleg so impanalo na Katawan. Kayariy bakal, pinmawil iray Israelita ed kawalaan nen Eleazar tan inaala ray armas na saray inaatey.

Maung a Balita Biblia

¹⁰ balet ag inmalis si Eleazar tan nilabanan to ray Filisteo ya anggad inkelat a maung na taklay to, kanyan ag to la naikbanan so ispada to. Diad saman ya agew, balbaleg so impanalo na Katawan. Kayariy bakal, pinmawil iray Israelita ed kawalaan nen Eleazar tan inaala ray armas na saray inaatey.

2 Samuel 23:10 Iomraidhean Croise

2 Samuel 23:12

balet ag inmalis ed alog si Samma, inyagel to, tan pinapatey to ray Filisteo. Diad saman ya agew, balbaleg so impanalo na Katawan.

2 Saray Arari 5:1

Say ari na Siria bibirbiren ton matalonggaring si Naaman a pangulo na saray sondalon Siriano, ta diad panamegley to impanalo na Katawan iray sondalo na Siria. Matalonggaring ya opisyal si Naaman, balet akating.

1 Saray Awaran 11:13

Kaiba ton akibakal ed saray Filisteo si David diad bakal na Pasdamim. Walad alog na sibada si Eleazar nen ginapwan na saray Israelita so ombatik,

Saray Salmo 108:13

Lapud tulong na Dios, manalo kami; taloen to ray kalaban mi.

Saray Salmo 144:10

Panataloen mo ray arari, tan iyaagel moy aripen mon si David.

Saray Salmo 68:12

“Ombabatik la ray arari tan saray sondalo ra!” Saray bibiin atilak ed kaabungan inaapag da ray asamsam:

Isaias 53:12

Kanyan itdan ko na pasen na kagalangan, sakey a pasen a nakaiba to ray matalonggaring tan makapanyarin totoo. Sibobolus ton inter so bilay to tan say impatey to kapara na impatey na saray totoon maoges. Inala toy pasen da ray amayamay a makasalanan tan impikasi ton napirdona ra.”

Saray Taga Roma 15:18

Balet say nayarian ko labat a bitlaen et say ginawa nen Cristo diad panamegley ko, a salanti say impangiwanwan kod saray Hintil a mangonur irad Dios diad panamegley na saray salitak tan gawak,

2 CORINTO 4:5

Ipupulong mi a Katawan si Jesu-Cristo; ag mi ipupulong so laman min dili. Aripen yo kami lapud kinen Jesus.

Josue 10:10

Say Katawan ginewgew to ray Amorreo nen anengneng da ray sondalo na Israel. Saray Israelita pinapatey dad Gabaon iray Amorreo tan inosilan da rad dalan ed alusadsar na palandey ed Bet-horon; dinogpaan da ra ya anggad Azeka tan Maceda diad abalaten.

Josue 10:42

Tinalo nen Josue ira yan amin ya arari tan saray nanarian da diad aminpinsan ya inliber ton nandodogpa, lapud kaiba na Israel ya akibakal so Katawan a Dios to.

Josue 11:8

Say Katawan impanalo to ray Israelita; dinogpaan da ray kalaban da tan inosilan da ra ya anggad Misrefotmaim tan Sidon diad baybay, tan anggad patar na Mizpa diad bokig. Tinmuloy so bakal ya anggad anggapoy nakdaan a mabilay ed saray kalaban.

Saray Huis 15:14

Kasabiy tod Lehi, mambabtik a dinmagod sikato iray Filisteo tan ineeyagan da. Kabebekta pinabiskeg na ispiritu na Katawan, et pinopoltut ton singa apoolan a tinebey ira may lobir ya akabalur ed saray taklay to.

Saray Huis 15:18

Insan napnapgaan si Samson, kanyan tinmawag ed Katawan tan kuanto, “Impanalo mo ak na baleg; natan ompatey ak, lapud inkapgaan tan, lapud nadakep ak na sarayan paganon Filisteo?”

1 Samuel 11:13

Balet inkuanen Saul, “Anggapo natan so pateyen, ta diad sayan agew inyagel na Katawan so Israel.”

1 Samuel 14:23

Nilabanan da ray Filisteo ya anggad labas na Bet-aven. Diad saman ya agew inyagel na Katawan so Israel.

1 Samuel 14:6

Inkuanen Jonatan ed samay balolaki, “Onla tad kampo da ray paganon Filisteo. Tulongan ita angangko na Katawan; no tulongan to ta, anggapoy antokaman a makasbel ed sikato diad pangiter tod sikatay pananalo, anggaman a dagdaiset ita.”

1 Samuel 17:53

Nen amawil iray Israelita, kayari ran inoosilan iray Filisteo, inaala ray antokaman a walad kampo ra.

1 Samuel 19:5

Imposta toy bilay to nen pinatey toy Goliat, et baleg so pananalon inter na Katawan ed Israel. Nanliket kayo nen anengneng yo yan pananalo. Akin, sirin, et labay yoy manggaway kaogsan ed toon anggapoy kasalanan diad pamatey yod kinen David ya anggapon balut so makasengeg?”