2 Samuel 22:44 - Maung A Balita Biblia

⁴⁴ Inliktar mo ak ed saray totoon mananumpa, tan impansiamsiam so panooley kod saray bansa; panlilingkuran ak natan na saray totoon ag ko kabat nen saman.

Maung a Balita Biblia

⁴⁴ Inliktar mo ak ed saray totoon mananumpa, tan impansiamsiam so panooley kod saray bansa; panlilingkuran ak natan na saray totoon ag ko kabat nen saman.

2 Samuel 22:44 Iomraidhean Croise

2 Samuel 19:14

Sarayan salita nen David akapapawil na inkatoor na amin a totood Juda, kanyan impaibaga rad ari ya ompawil la tan amin da ray opisyal to.

2 Samuel 19:9

Diad intiron bansa nambabalingaan iray totoo. Inkuandad sakey tan sakey, “Inyagel itayo nen Ari David ed saray kalaban tayo. Inyagel to itayod saray Filisteo, balet natan imbatikan toy Absalom tan tinaynan toy bansa.

2 Samuel 20:22

Linmad saray totoo ed siudad tan tinanggoyur to ra, kanyan pinotut day olo nen Seba, insan da imbontuk ed kinen Joab diad biek na padir. Pinaknul toy trumpita a pamataynan tod saray totoo to, kanyan manlapud siudad sinmempet la ra. Pinmawil ed Jerusalem si Joab, insan linmad ari.

2 Samuel 3:1

Abayag a panaon so impanbabakal na saray totoon akigampid pamilya nen Saul tan saray totoon akigampid kinen David. Diad ibibiskeg lan ibibiskeg nen David, onkakapoy lan onkakapoy iray kalaban to.

2 Samuel 5:1

Insan amin a tribu na Israel linma rad kinen David diad Hebron tan kuandad sikato, “Kadalaan tan kalamanan mo kami.

Saray Salmo 110:6

Sintinsiaan to ray bansa, tan panoen to na saray bangkay so alug a panagbakalan, taloen to ray arari ed intiron mundo.

Saray Salmo 18:43

Inliktar mo ak ed saray totoon mananumpa, tan ginawa mo ak a manoley ed saray bansa; panlilingkuran ak natan na saray totoon ag ko kabat nen saman.

Saray Salmo 2:8

Kerew ka, et iter kod sikan amin iray bansa; nakayaryan moy intiron mundo.

Isaias 55:4

Ginawak a pangulo tan manoley si David ed saray bansa, tan diad panamegley to impanengneng kod sikaray pakayarik.

Isaias 55:5

Tawagen yo natan iray arum a bansa; ag da kayo amta nen saman, balet natan mambabtik iran ondago a mikasakey ed sikayo! Siak, say Katawan a Dios yo, say masanton Dios na Israel, so makaoley ed pakasumpal ed saya; itdan ta kayo na kagalangan tan dayew.”

Isaias 60:12

Balet sigput a naderal iray bansa Ya ag manlilingkur ed sika.

Isaias 65:1

Say Katawan kuanto, “Sipaparaan ak ya ondengel ed saray pikakasi da ray totook, balet ag ira nampikasi. Sipaparaan ak a naalmo ra, balet ag da anggan sinaliy nananap. Ag nampikasid siak so bansa, anggaman ya akaparaan ak ya onebat na ‘Wadya ak ya ontulong ed sikayo.’

Daniel 7:14

Naitdan imay too na pakaoley, kagalangan, tan pakayari na ari, pian makapanlingkur ed sikato iray totoo ed amin a bansa ya anggan antoy kolor na baog da tan salita ra. Mansiansia so pakaoley to, tan ag mangangga so panarian to.

Oseas 2:23

Iligen kod dalin iray totook tan paaligwasen ko ra. Aroen ko ra may atawag ya “Ag Naaro,” tan saramay atawag ya “Aliwan Totook” ibagak ed sikara, “Sikayo ray totook,” et onebat ira, “Sika so Dios mi.”

Saray Taga Roma 15:12

Ibabaga met ni nen Isaias, “Onsabi so kabyangay boleg nen Jesse, ontalindeg a manoley ed saray Hintil, tan manilalo rad sikato.”

Saray Taga Roma 9:25

Onung ed libro nen Oseas, say Dios kuanto, “Saray totoon ag ko totoo nen saman, tawagen ko ra na ‘Saray totook.’ Say bansan ag ko inaro nen saman, tawagen ko na ‘Say inararok.’

Deuteronomio 28:13

Say Katawan a Dios yo et pagmaliwen to kayon pangulo, aliwan mananombuk, na saray bansa; ag kayo onlereg no ag ta onaligwas kayo lawas no matoor yon onuren iray amin a ganggan to ya iiter kod sikayo natad sayan agew.

Puyan 11:15

Insan sinibuk na kumapiton anghil so trumpita to, tan walay makmaksil iran bosis ed tawen ya inkuanda, “Say panoley ed sankamundoan niiter lad Katawan tayo tan diad Cristo to, tan manarin anggad angga!”