2 Samuel 22:31 - Maung A Balita Biblia

³¹ Ayadyari ray gawa na sayan Dios, napanmatalkan iray salita to! Aliling toy samper ed amin da ray pa paiyagel ed sikato.

Maung a Balita Biblia

³¹ Ayadyari ray gawa na sayan Dios, napanmatalkan iray salita to! Aliling toy samper ed amin da ray pa paiyagel ed sikato.

2 Samuel 22:31 Iomraidhean Croise

2 Samuel 22:3

Say Dios ko so manangyagel ko, tan no kaibak anggapoy pagpagak. Sikatoy singa samper a manasanib ed siak; iyaagel to ak tan iyaarawi to ak ed kaatapan. Sikatoy manangilaban ko; iyaagel to ak ed antokaman a maoges ya onsabid siak.

Nehemias 9:8

Arumog mon matoor ed sika, insan akisipanan kad sikato. Insipan mon iter ed sikatoy dalin na saray Cananeo, say dalin na saray Heteo tan saray Amorreo, say dalin na saray Perezeo, Jebuseo, tan saray Gergeseo; inter mo a panayaman na saray kabyangay boleg to. Sinumpal moy sipan mo, lapud matoor ka.

Say Libro nen Job 34:10

Sikayon totoon makatalus, dengel yo ak. Manggawa kasi na maoges so Makapanyarin-amin a Dios?

Saray Salmo 119:140

Agay lay inkatwa na sipan mo! Agaylay panangarok ed sipan mo!

Saray Salmo 12:6

Napanmatalkan iray salita na Katawan; singa ra tuan pilak a pinapuron amimpito ed palbaan.

Saray Salmo 145:17

Say Katawan matonung ed amin a gagawaen to, tan mapangasid amin a kimey to.

Saray Salmo 18:30

Ayadyari ray gawa na sayan Dios, napanmatalkan iray salita to! Aliling toy samper ed amin da ray papaiyagel ed sikato.

Saray Salmo 2:7

“Ibawag koy imbagay Katawan,” kuay ari. “Inkuay Katawan ed siak: ‘Sikay anak ko; natad sayan agew nagmaliw ak ya amam.

Saray Salmo 35:2

Alam pay samper tan say kawes mon para bakal, ta dago mo ak ya iyagel.

Saray Salmo 84:9

Bindisionan mo pay ari mi, O Dios, say ari a pinilim!

Saray Salmo 91:4

Sayakopen to kad saray payak to; arawi kad kaatapan diad silong na panangasikaso to; iyagel tan ilaban ka na inkatoor to.

Probirbio 30:5

“Susumpalen na Dios so balang sipan to. Say Dios aliling toy sakey a samper ed amin da ray papaiyagel ed sikato.

Ecclesiastes 3:14

Amtak a mansiansiad ando lan ando ya amin iray gagawaen na Dios. Anggapoy nayarin iyarum ed sikara odino ekalen ed sikara. Onyay impaakseb na Dios, pian nawalaan itayoy panangigalang ed sikato.

Daniel 4:34

“Kalabas na pitoy taon,” inkuan na ari, “tinmangay ak ed tawen, et pinmawil ed siak so kalakal ko. Inggalang ko, indayew ko, tan intandurok so Sankatageyan a Dios a mambibilay ed anggad angga. “Sikato so manoley ed anggad angga, tan mansiansia ed ando lan ando so panarian to.

Daniel 4:37

“Et natan, siak a Nabucodonosor idayew ko, igalang ko, tan itandurok so Ari na Tawen. Matonung tan maptek ya amin iray gagawaen to, tan nayarian ton iyabebad kipapasen iray mapaatagey.”

Mateo 5:48

Kanyan nakaukolan ya ayadyari kayo, a singa say ayadyarin Ama yo a walad tawen.”

Deuteronomio 32:4

“Say Katawan so makapanyarin manangyagel yo, ayadyari tan matonung ya amin so gagawaen to; Matoor tan matwa so Dios yo; say katonungan tan kaptekan so gagawaen to.

Puyan 15:3

Kakantaen day kanta nen Moises, ya aripey Dios, tan say kantay Kordiro: “Katawan a Dios a Makapanyarin-amin matalonggaring tan makapakel-kelaw iray gawgawam! Ari da ray bansa, saray dalan mo maptek tan tua ra!