2 Samuel 22:25 - Maung A Balita Biblia

²⁵ Kanyan tutumangan to ak lapud matonung ak, tan lapud amta ton anggapoy kasalanan ko.

Maung a Balita Biblia

²⁵ Kanyan tutumangan to ak lapud matonung ak, tan lapud amta ton anggapoy kasalanan ko.

2 Samuel 22:25 Iomraidhean Croise

2 Samuel 22:21

Tutumangan ak na Katawan lapud matonung ak; bibindisionan to ak lapud anggapoy kasalanan ko.

1 Saray Arari 3:6

Inmebat si Solomon, “Balbaleg a panangaroy inter mod kinen amak a David ya aripen mo, ta maung, matoor, tan matonung so impanbilay tod arap mo. Intuloy mo nin inter ed sikato yan baleg tan ag naoman a panangaro diad impangiter mod sikatoy sakey ya anak a lakin manooley natan a kasalat to.

Probirbio 11:31

No natumangan diad tapew na dalin iray totoon matonung, andi-saew a nadusa iray totoon maoges tan makasalanan.

Probirbio 5:21

Sankanengneng na Katawan ya amin iray gagawaen mo. Bambantayan to ka ed inermay laen mo.

Isaias 3:10

Manliket iray totoon matonung, tan maung so pansumpalan da. Panliketan da so antokaman a nansagputan da.

2 CORINTO 5:10

Ta onarap tin amin ed panagsintinsiaan nen Cristo. Balang sakey ed sikatayod satan mangawat na kanepegan to, onung ed ginagawa to, maung o maoges, diad sayan bilay.

1 Samuel 26:23

Tumangan na Katawan iray matoor tan matonung. Impasilong ka natan na Katawan ed pakayarik, balet et ag ta ka diniwit, ta say Katawan ginawa kan ari.