2 Samuel 21:7 - Maung A Balita Biblia

⁷ Balet lapud samay masanton sipanan dan dua nen Jonatan, ag to impalima si Mefiboset a lakin anak nen Jonatan tan apo nen Saul.

Maung a Balita Biblia

⁷ Balet lapud samay masanton sipanan dan dua nen Jonatan, ag to impalima si Mefiboset a lakin anak nen Jonatan tan apo nen Saul.

2 Samuel 21:7 Iomraidhean Croise

2 Samuel 16:4

Inkuan na ari ed kinen Siba, “Kien mo lay amin a kayaryan nen Mefiboset.” “Siak so aripen mo,” ebat nen Siba. “Maabig lawas komun so linawam ed siak, Kagalang kon Ari!”

2 Samuel 19:25

Nen sinmabin nanlapu ed Jerusalem si Mefiboset a mangabet ed ari, inkuan na ari ed sikato, “Mefiboset, akin et ag ka akilad siak?”

2 Samuel 4:4

Say sakey a kabyangay boleg nen Saul et si Mefiboset a lakin anak nen Jonatan. Limay taon to nen inatey ira di Saul tan Jonatan. Nen say balitan nipaakar ed impatey da et sinmabin nanlapud Jezreel inalay managkomis si Mefiboset tan batik; balet diad panggaganat to naplag to, kanyan alopuy.

2 Samuel 9:1

Aminsan ya agew tinepet nen David, “Wala niy atilak kasin kabyangay pamilya nen Saul? No wala ni, labay kon kasian makasengeg ed kinen Jonatan.”

2 Samuel 9:10

Sika, saray anak mo, tan saray aripen mo so ondalus ed dalin para sikato; iter yod sikatoy naani, pian walay taganoy pamilya to. Balet si Mefiboset mangan lawas ed lamisaan ko.” (Si Siba labinliman lalaki so anak to tan duamplo so aripen to.)

2 Samuel 9:6

Nen sinmabiy Mefiboset a lakin anak nen Jonatan tan apo nen Saul, dinmakmomod kinen David a pangigalang to. Inkuanen David, “Mefiboset,” insan inmebat, “Wadya ak ya aripen mo.”

2 Samuel 9:7

“Ag ka natatakot,” ebat nen David. “Kasian ta ka makasengeg ed kinen amam a Jonatan. Ipawil kod sikay amin a dalin a kayaryan nen lakim a Saul, tan mangan ka lawas ed lamisaan ko.”

Ecclesiastes 8:2

Onur mo ray ganggan na ari, tan ag ka bengatbengat mansisipan ed Dios.

1 Samuel 18:3

Si Jonatan akisipanan a mikaaron anggad angga ed kinen David, ta inaro to a singa panangaro tod sikaton dili.

1 Samuel 20:12

tan inkuanen Jonatan ed kinen David, “Say Katawan a Dios na Israel komun so tasi ta! Diad onyan oras nabwas tan diad ontombuk ya agew tepetan koy amak. No maung lay linawa tod sika, paipakabat kod sika.

1 Samuel 20:15

ag napoltut komuy pangiter moy panangasi ed pamilyak. No sigput lan naoput na Katawan iray kalaban mo,

1 Samuel 20:17

Si Jonatan impansamba to lamet si David ya aroen to, ta si Jonatan inaro toy David a singa panangaro tod sikaton dili.

1 Samuel 20:42

Insan inkuanen Jonatan ed kinen David, “Wala komuy Dios ed sika. Andi-duaruwan ontulong so Katawan pian sika tan siak, saray kabyangan na boleg mo tan saray kabyangan na boleg ko, et tooren tayon anggad angga so masanton sipanan tan dua.” Insan tinmaynan lay David tan amawil lad baley si Jonatan.

1 Samuel 20:8

Ipangasim pan gawaen ya para siak, tan sumpal moy masanton sipanan ta. Balet no nankasalanan ak, sika lan diliy mamatey ed siak! Akin et abuloyan mon say amam so manggawa?”

1 Samuel 23:18

Nanggawa ray masanton sipanan a mankaaro ra lawas. Tinmilak ed Hores si David, tan sinmempet lay Jonatan.

1 Samuel 24:22

Insipan ya nen David. Insan la sinmempet si Saul, tan pinmawil ed panaamutan to si David tan saray totoo to.