2 Samuel 21:16 - Maung A Balita Biblia

¹⁶ Say sakey ya alan a manngaray Isbibenob, a sankaawit toy gansan pika a mambelat na apatiran kilo tan akasalukbit na balon ispada, abaloen ton napatey toy David.

Maung a Balita Biblia

¹⁶ Say sakey ya alan a manngaray Isbibenob, a sankaawit toy gansan pika a mambelat na apatiran kilo tan akasalukbit na balon ispada, abaloen ton napatey toy David.

2 Samuel 21:16 Iomraidhean Croise

Genesis 14:5

Diad kumalabinapat taon si Kedorlaomer, saray ararin kakaiba to, tan saray sondalo ra et linma ran linmaban ed saramay limara. Diad inyakar da tinalo da ray Refaita ed Astarot-Carnaim, saray Zuzita ed Ham, saray Emita ed Save-kiryataim.

Genesis 6:4

Diad saraman ya agew, tan anggan diad saray ontombuk, wala ray alan a manaayam ed dalin ya anak ira na saramay magangganan bibii tan saramay anak na Dios. Sikaray matalonggaring a bayani tan bantug a lalaki nen saman a panaon.

2 Samuel 21:18

Kayari to ya, walay bakal a sumpad saray Filisteo diad Gob. Diad sayan bakal pinatey nen Sibecai a taga Husa so sakey ya alan a manngaran na Sipai.

2 Samuel 21:20

Walay sananey nin bakal ed Gat. Diad sayan bakal walay sakey ya alan a labalabay toy mibakal. Anemiray gamet na balang lima to tan sali to.

2 Samuel 21:22

Sarayan apat a pinatey nen David tan saray totoo to, et kabyangan ira na boleg na saray alan ed Gat.

2 Samuel 5:18

Akasabid Patar na Refaim iray Filisteo tan nanayam irad man.

Saray Bilang 13:22

Linma ran inmona ed abalaten na samay dalin tan akasabi ra ed Hebron a panaayaman na saray boleg di Ahiman, Sesai, tan Talmai, a kabyangan ira na poli na alan a tatawagen na Anakim. (Say Hebron et niletneg lan pitoy taon kasakbayan na inkiletneg na Zoan ed Egipto.)

Saray Bilang 13:28

Balet makapanyari ray totoon manaayam diman, tan ankakabaleg iray siudad diman tan aliber ira na padir. Say maoges ni, anengneng mi rad may kabyangay boleg na alan.

Deuteronomio 1:28

Akin et onla tayod man, anta antakot itayo. Saramay imbaki tayo et kuandan mabiskeg tan atagey ni ray totood man nen say sikatayo, tan manaayam irad saray siudad ya anggad tawen iray padir da. Akanengneng irad man na saray alan!’

Deuteronomio 2:10

Nen saman nanayam ed Ar iray makapanyarin poli na alan a tatawagen ira na Emim. Ankakabaleg iran singa saray Anakim a sananey a poli na alan.

Deuteronomio 2:11

Atawag met ira na Refaim a singa saray Anakim; balet saray Moabita tinawag da ra na Emim.

Deuteronomio 2:21

Singa kaatagey na saray Anakim so kaatagey da. Amayamay ira tan makapanyari ran poli. Balet dineral ira na Katawan, kanyan inala na saray Ammonita so dalin da tan nanayam irad man.

Deuteronomio 3:11

Si Ari Og so kaonuran ed saray totoon Refaim. Say longun ton bato et ngalngali duaran mitro so benlag to tan limaran mitro so onduy to, onung ed panagsukat na karaklan. Nanengneng ni man a longun ed Raba a siudad da ray Ammonita.)

Deuteronomio 9:2

Atatagey iran totoo tan mabisbiskeg ira; alan ira, tan nadngelan yo ya anggapoy makalaban ed sikara.

Josue 11:22

Anggapoy atilak ya Anakim ed dalin na Israel; balet wala ray pigaran atilak ed Gaza, Gat, tan Asdod.

Josue 15:14

Pinataynan nen Caleb iray kabyangay boleg nen Anak—saray boleg di Sesai, Ahiman, tan Talmai.

1 Samuel 17:7

Say potan na gayang to et singa ngalngalowan so kabaleg to tan say tarem ton balatyang et mambelat na anemiran kilo. Walay sakey a sondalon manaakar ed onaan to a manaawit na samper to.