2 Samuel 21:14 - Maung A Balita Biblia

¹⁴ Insan da impompon iray pokel di Saul tan Jonatan diad lobuk na ama nen Saul a si Kis a taga Zela, diad pasen a nasasakopan nen Benjamin; ginawa ray amin ya ingganggan na ari. Kayari to ya, dinengel na Dios iray pikakasi ran para bansa.

Maung a Balita Biblia

¹⁴ Insan da impompon iray pokel di Saul tan Jonatan diad lobuk na ama nen Saul a si Kis a taga Zela, diad pasen a nasasakopan nen Benjamin; ginawa ray amin ya ingganggan na ari. Kayari to ya, dinengel na Dios iray pikakasi ran para bansa.

2 Samuel 21:14 Iomraidhean Croise

2 Samuel 21:13

Inala nen David iray pokel di Saul tan Jonatan, insan to met tinipon iray pokel na saramay pitoran lalaki ya imbitay.

2 Samuel 24:25

Insan nanggaway altar a para Katawan tan angisaklang na saray bagat a popoolan tan saray bagat a para kareenan. Inebatan na Katawan so pikakasi to, kanyan tinmonda so salot ed Israel.

2 Samuel 3:32

Nipompon ed Hebron si Abner, tan diad lobuk manorangal so ari tan saray amin a totoo.

2 Samuel 4:12

Ingganggan nen David iray sondalo to, et pinatey day Recab tan si Baana. Pinotut da ray lima tan saray sali ra, insan da ra ya insabit ed abay na dipositoy danum ed Hebron. Inala ra may olo nen Isboset, insan da impompon ed lobuk nen Abner diad Hebron.

Jonas 1:15

Insan da inalay Jonas tan imbantak dad dayat; et kinmalmadan tampol imay dayat.

Zacarias 6:8

Insan inmeyag ed siak imay anghil, “Pinakepa na saramay kabayon linmad baybay ed Babilonia so pasnuk na Katawan.”

Saray Bilang 25:13

Sikato tan saray kabyangay boleg to et mansiansia ran pari, lapud ag to inabuloyan so siopaman a manamsam na kipapasen ko tan ginawa toy pakapirdonaan na kasalanan na saray totoo.”

Saray Bilang 25:8

tinombuk to may laki tan bii a walad dalem na tulda, insan to ra dinoyuk a dua et pinmaway so ngeroy pika ed kabalgay bii. Diad onya apatonda may salot a mandederal ed Israel,

Josue 18:28

Zela, Elef, Jebus (odino Jerusalem), Gibeat, tan Kiryat-jearim; labinapat iran amin a siudad, a pati saray baley ed kaliber-liber da. Sikato yay dalin a nipabetang ed saray pamilya na tribu nen Benjamin.

Josue 7:26

Tinabunan day ankakabaleg a bato si Acan; wadman ni ra yan bato ya anggad natan. Sikato yay makasengeg a sayan pasen et atawag na Patar na Gunigon. Lapud sayan agawa kinmepa so mapalalon pasnuk na Katawan.

1 Samuel 10:2

No taynan mo ak ed sayan agew, nasabat moy duaran lalaki diad abay na lobuk nen Raquel diad Selsa, diad pasen a sakop nen Benjamin. Ibaga rad sika a nalmo la ra may asno ya aanapen mo, kanyan ag la ra pampapagaan nen amam no ag ingen sika natan so pampapagaan to. Pitepet to, ‘Anto kasiy gawaen kon nipaakar ed samay anak ko?’