2 Samuel 21:1 - Maung A Balita Biblia

¹ Legan na impanoley nen David, walay eras a taloy taon. Impanon ya nen David ed Katawan, et say Katawan kuanto, “Nankasalanan si Saul tan say pamilya to lapud impamatey dad saray taga Gabaon.” (

Maung a Balita Biblia

¹ Legan na impanoley nen David, walay eras a taloy taon. Impanon ya nen David ed Katawan, et say Katawan kuanto, Nankasalanan si Saul tan say pamilya to lapud impamatey dad saray taga Gabaon. (

2 Samuel 21:1 Iomraidhean Croise

Genesis 12:10

Balet walay eras ed saman a lugar, et lapud mapalalo la linmay Abram ed bandad abalaten, diad Egipto, ta manayam diman a magano.

Genesis 26:1

Wala lamet so sinmabin eras ed Canaan, likud ed samay sinmabi la nen panaon nen Abraham. Linmay Isaac ed kinen Abimelec ya ari na Palestina, diad Gerar.

Genesis 41:57

Linmad Egipto iray katoowan ed intiron mundo ta nansaliw iray tagano ed kinen Jose, lapud mapalalo lay eras ed inerman a pasen.

Genesis 42:5

Saray anak nen Jacob et wala ray kaiba ran manaliw met na trigo, ta walay eras ed Canaan.

Genesis 43:1

Linmoor so eras ed Canaan.

2 Samuel 16:8

Inalam so nanarian nen Saul, et natan dudusaen kay Katawan lapud impamatey mod amayamay a kabyangay pamilya nen Saul. Inter na Katawan so nanarian ed anak mon si Absalom, tan aderal ka la, sikan managpatey na too!”

2 Samuel 20:26

tan si Ira a taga baley na Jair et sakey met ed saray papari nen David.

2 Samuel 21:5

Inmebat ira, “Ginetma nen Saul ya oputen kami, pian anggapo lay nakeraan ed sikamin mambilay ed dalin na Israel.

2 Samuel 24:1

Aminsan akapasnuk so Katawan ed Israel, kanyan tinanggoyur ton mangiter na gunigon ed saray Israelita si David. Inkuan na Katawan ed sikato, “Laka, ta bilang mo ray totood Israel tan Juda.”

2 Samuel 5:19

Tinepet nen David ed Katawan, “Dogpaan ko ray Filisteo? Panaloen mo ak kasi?” Inmebat so Katawan, “On, dogpaan mo ra! Panaloen ta ka!”

2 Samuel 5:23

Impanon lamet nen David ed Katawan, et say Katawan inmebat, “Ag ka dia manlalapu no dogpaan mo ra. Saliberber ka tan dogpa kan manlapud biek a dapag, diad abay na saray kiew a balsamo.

1 Saray Arari 17:1

Inkuanen propita Elias a taga Tisbe na Galaad ed kinen Ari Aca, “Diad ngaran na Katawan a mabilay a Dios na Israel a panlilingkuran ko, ibagak ed sikan anggapoy napelag a linaew o oran ed loob na arapen a duara odino taloy taon ya anggad ag ko pangibagan onoran la.”

1 Saray Arari 18:2

Linma sirin si Elias. Mapalalo lan tuloy natan so eras ed Samaria,

2 Saray Arari 6:25

Lapud sayan inkagawa, mapalaloy inkulang na kanen ed siudad, kanyan mambiliy walomplon pilak so sakey ya oloy asno tan mambiliy limaran pilak so kapalduay latay limon a taiy malapati.

2 Saray Arari 8:1

Inkuanen Eliseo ed samay biin taga Sunem, a say anak ton laki et pinabilay to, “Manayam kad arum a lugar, sika tan say pamilyam, ta say Katawan padalanen tod dalin na Israel so eras tan mansiansian pitoy taon.”

Say Libro nen Job 10:2

Ag mo ak kari dudusaen, O Dios. Ibagam pad siak no antoy ipapakasalanan mod siak.

Saray Salmo 27:8

Nen kuanmo, “Dago kayod siak,” inmebat ak, “Ondago ak ed sika, Katawan.”

Saray Salmo 50:15

Tawag kayod siak no onsabiy gunigon; ilaban ta kayo, et idayew yo ak.”

Saray Salmo 91:15

No ontawag irad siak ebatan ko ra; no wala rad gunigon ibaan ko ra. Iyagel tan pagalangan ko ra.

Levitico 26:26

Patondaen koy pangyakar na kakanen yo, kanyan say samploran bibii nakaukolan da labat so sakey ya ornowan a panggawaan dad amin a tinapay da. Ibunog day tinapay da ta no naakan yo lan amin, narasan kayo nin siansia.

Saray Bilang 27:21

Diad kinen Eleazar a pari, diad pangikana to na Urim tan Tummim so pakaamtaan toy linawak. Onya so pangiwanwan nen Eleazar ed kinen Josue tan amin ya Israelita diad amin a gawaen da.”

Josue 7:1

Ag asumpal imay ganggan na Katawan ed saray Israelita ya ag iran balut mangala ed Jerico na antokaman a nepeg a deralen, ta angala si Acan. Lapud saya mapalaloy pasnuk na Katawan ed sikara. (Si Acan et anak nen Carmi tan apo nen Sabdi, tan kabyangan na boleg nen Zera a kabyangan na tribu nen Juda.)

Josue 9:20

Nepeg ti ran pambilayen lapud sikatoy insipan mi; no diwiten tayo ra, dusaen itayo na Dios.

Ruth 1:1

Nen saman a panaon, nen say huis so manooley ed Israel, dinmalan so eras ed intiron bansa. Kanyan walay sakey a lakin taga Betlehem, a sakop na Juda a linman akiayam ed bansa na Moab. Kaiba toy asawa to tan saray duaran anak ton lalaki.

1 Samuel 10:22

tinepet dad Katawan, “Wala niy arum?” Inmebat so Katawan, “Wadmay Saul, onaamut ed kawalaay abasto.”

1 Samuel 23:11

Ipalima ak kasi na saray totood Keila ed kinen Saul? Talaga kasin onla diay Saul onung na nadngelan ko? Katawan a Dios na Israel, pikasik ya ebatan mo ak!” Inmebat so Katawan, “Onsabiy Saul.”

1 Samuel 23:2

Kanyan tinepet tod Katawan, “Laen kon dogpaan iray Filisteo?” “On,” ebat na Katawan. “Dogpaan mo ra tan iyagel moy Keila.”

1 Samuel 23:4

Kanyan impanon lamet nen David ed Katawan, tan imbagay Katawan ed sikato, “Lakad Keila tan dogpaan mo ray Filisteo ta panaloen ta kad sikara.”