2 Samuel 20:6 - Maung A Balita Biblia

⁶ Kanyan inkuan na ari ed kinen Abisai, “Mapalalo nin gunigon so iter nen Seba nen si Absalom. Alam iray totook ta osilan yo, ta no andi onloob ed pigaran baley ya aliber na padir insan to tayo la ibatikan.”

Maung a Balita Biblia

⁶ Kanyan inkuan na ari ed kinen Abisai, Mapalalo nin gunigon so iter nen Seba nen si Absalom. Alam iray totook ta osilan yo, ta no andi onloob ed pigaran baley ya aliber na padir insan to tayo la ibatikan.

2 Samuel 20:6 Iomraidhean Croise

2 Samuel 10:14

Nen anengneng na saray Ammonita a kibatiktik iray taga Sirira, imbatikan day Abisai tan sinmoner irad siudad. Kayari nen Joab ya akibakal ed saray Ammonita, pinmawil lad Jerusalem.

2 Samuel 11:11

Inmebat si Urias, “Mibabakal iray totood Israel tan Juda, a kaiba ray Kaban na Sipanan; say pangulok a Joab tan saray opisyal to et wala rad kampo diad kaalogan. Panoy isempet kod abung, mangan, oninom, tan onogip a kaakdul koy asawak? Diad ngaray tawen, isambak ya ag ko ya nayarin gawaen!”

2 Samuel 18:12

Balet inmebat imay too, “Anggan initdan yo ak na sanlibon pilak, ag ko diwiten so anak na ari. Nadngel min amin so ganggan na ari ed sika, si Abisai tan si Itai, ‘Makasengeg ed siak, ag yo papasakitan so malangwer a lakin si Absalom.’

2 Samuel 18:2

Imbaki to ran taloran grupo; si Joab so panguloy sakey, si Abisai ya agi to so panguloy sakey, tan si Itai a taga Gat so panguloy sakey met. Inkuan na ari ed saray totoo to, “Mila ak ed sikayo.”

2 Samuel 19:7

Laka sirin natan tan pabiskeg moy linawa da ray totoom. Isambak ed ngaray Katawan a no ag mo ya gawaen, nabwas na kabwasan anggapoy anggan sakey a toon nakeraan a migampid sika. Sikato la yay sankaogsan a nagawad bilay mo.”

2 Samuel 2:18

Akibakal iray taloran lalakin anak nen Sarvia a di Joab, Abisai, tan Asael. Si Asael, a mabatik a singa ulsad katakelan,

2 Samuel 21:17

Balet si Abisai a lakin anak nen Sarvia dinago ton tinulongan si David, dinogpaan to may alan, insan to pinatey. Kayari to ya, saray totoo nen David impaisipan dad sikato ya ag lan balut milad bakal. Inkuanda, “Sikay ilalo na Israel, et ag mi labay a naandi kad sikami.”

2 Samuel 23:18

Say lakin agi nen Joab a si Abisai (Si Sarvia so ina ra) so pangulo da ray “Talomplon Bantug.” Inkana toy pika diad impilaban tod saray talon lasus a lalaki tan pinapatey to ra, kanyan nagmaliw a bantug ed “Saray Talomplo.”

2 Samuel 3:30

Kanyan akabawi si Joab tan si agi ton Abisai ed kinen Abner lapud impamatey tod agi ran si Asael diad bakal ed Gabaon.

2 Samuel 3:39

Anggan sakey ak ya arin pinili na Dios, makapkapoy ak ed sayan agew. Ag ko nayariay inkaruksa da ra yan lalakin anak nen Sarvia! Dusaen komun na Katawan ira yan kriminal onung ed kanepegan da!”

1 Saray Arari 1:33

tan kuan na arid sikara, “Itagar yo ray opisyal ko, pakabayo yod dilin mulak si Solomon, tan olup yon onlad Gihon.

1 Saray Awaran 11:20

Say lakin agi nen Joab a si Abisai so pangulo da ray “Talomplon Bantug.” Inkana toy pika diad impilaban tod talon lasus a lalaki tan pinapatey to ra, kanyan nagmaliw a bantug ed “Saray Talomplo.”

1 Saray Awaran 18:12

Si Abisai a lakin anak nen Sarvia et tinalo to ray Edomita diad Patar na Asin tan pinatey toy labinwalon libod sikara.

Jeremias 8:14

“Akin et wadya itayon manyodyorung ya ag onggalaw?” tepet na saray totooy Dios. “Onla itayo la, ta ombatik itayod saray siudad a pinaliberay padir, tan diman ti la ompatey. Say Katawan a Dios tayo sinintinsiaan to itayon ompatey; initdan to tayo na samal ya inomen, lapud nankasalanan itayod sikato.

Marcos 3:24

No manlalaban iray totood sakey a nanarian, ag mambayag itan a nanarian.

1 Samuel 26:6

Insan tinepet nen David ed kinen Ahimelec a Heteo, tan diad kinen Abisai ya anak nen Zarvia tan agi nen Joab, “Siopad sikayon dua so milad siak ya onlad kampo nen Saul?” “Siak,” ebat nen Abisai.