2 Samuel 20:22 - Maung A Balita Biblia

²² Linmad saray totoo ed siudad tan tinanggoyur to ra, kanyan pinotut day olo nen Seba, insan da imbontuk ed kinen Joab diad biek na padir. Pinaknul toy trumpita a pamataynan tod saray totoo to, kanyan manlapud siudad sinmempet la ra. Pinmawil ed Jerusalem si Joab, insan linmad ari.

Maung a Balita Biblia

²² Linmad saray totoo ed siudad tan tinanggoyur to ra, kanyan pinotut day olo nen Seba, insan da imbontuk ed kinen Joab diad biek na padir. Pinaknul toy trumpita a pamataynan tod saray totoo to, kanyan manlapud siudad sinmempet la ra. Pinmawil ed Jerusalem si Joab, insan linmad ari.

2 Samuel 20:22 Iomraidhean Croise

2 Samuel 18:16

Impapaknul nen Joab so trumpita a pamatonda to lad bakal, kanyan tinondaan la na saray sondalo so onosil ed saray Israelita tan amawil la ra.

2 Samuel 18:17

Inala ray bangkay nen Absalom, impelag dad aralem a bobun ed takel, insan da tinabunan na saray bato. Amin ya Israelita batik ed kaabungan da.

2 Samuel 2:28

Insan pinaknul nen Joab so trumpita et saray totoo tinondaan da lan osilan iray Israelita. Kanyan tinmonda met la so bakal.

2 Samuel 20:1

Nibanan wadman ed Gilgal so sakey a toon andi-kakanaan a si Seba a lakin anak nen Bicri, tan kabyangan na tribu nen Benjamin. Pinaknul toy trumpita tan ineyag to, “Anggapoy pibabali mid kinen David ya anak nen Jesse. Ag kami ontombuk ed sikato! Lalakin taga Israel, onsempet ti la!”

2 Samuel 20:16

Dimad dalem na siudad walay sakey a biin masilib; manlapud padir inmeyag, “Dengel kayo! Dengel kayo! Ibaga yod kinen Joab ya onasingger dia, ta labay koy mitongtong ed sikato.”

Ecclesiastes 7:19

Dakel niy nagawaan na kakabatan para sakey a too nen say nagawaan na samploran manoley para sakey a siudad.

Ecclesiastes 8:11

Akin et maininomay a manggaway kaogsan iray totoo? Lapud ag nadudusan tampol so kaogsan.