2 Samuel 20:21 - Maung A Balita Biblia

²¹ Aliwan sikatoy getma mi. Walad tay sakey a lakin manngaray Seba ya anak nen Bicri tan taga nipokdul a pasen na Efraim; inggapo toy milaban ed Ari David. Ipalimam ed siak yan laki, et taynan ko lay siudad.” “Ibontuk mid tad biek na padir so olo to,” kuanto may bii.

Maung a Balita Biblia

²¹ Aliwan sikatoy getma mi. Walad tay sakey a lakin manngaray Seba ya anak nen Bicri tan taga nipokdul a pasen na Efraim; inggapo toy milaban ed Ari David. Ipalimam ed siak yan laki, et taynan ko lay siudad. Ibontuk mid tad biek na padir so olo to, kuanto may bii.

2 Samuel 20:21 Iomraidhean Croise

2 Samuel 20:1

Nibanan wadman ed Gilgal so sakey a toon andi-kakanaan a si Seba a lakin anak nen Bicri, tan kabyangan na tribu nen Benjamin. Pinaknul toy trumpita tan ineyag to, “Anggapoy pibabali mid kinen David ya anak nen Jesse. Ag kami ontombuk ed sikato! Lalakin taga Israel, onsempet ti la!”

2 Samuel 20:2

Kanyan tinaynan na saray Israelita si David tan akila rad kinen Seba, balet nansiansian matoor ed kinen David iray lalakin taga Juda, kanyan inolup da manlapud Jordan ya anggad Jerusalem.

2 Samuel 20:20

“Andin balut!” ebat nen Joab. “Ag kon balut deralen o bagbagen so siudad yo!

2 Samuel 23:18

Say lakin agi nen Joab a si Abisai (Si Sarvia so ina ra) so pangulo da ray “Talomplon Bantug.” Inkana toy pika diad impilaban tod saray talon lasus a lalaki tan pinapatey to ra, kanyan nagmaliw a bantug ed “Saray Talomplo.”

1 Saray Arari 11:26

Say sakey nin linmaban ed kinen Ari Solomon et say sakey ed saray opisyal to, si Jeroboam a lakin anak nen Nebat tan taga Sereda na Efraim. Balon manngaran na Zerua so ina to.

2 Saray Arari 10:7

Nen naawat da may sulat, pinatey na saray pangulo na Samaria ira may pitomplon kabyangay boleg nen Acab, inyan dad saray baskit iray olo ra, insan da ra impawit ed kinen Jehu diad Jezreel.

2 Saray Arari 5:22

“Anggapo,” ebat nen Giezi. “Balet impaabot ka na amok, ta labay ton paibagad sika a kasabsabi na duaran kabyangan na grupo na saray propita ed pokdul na Efraim, et itdan mo kono na talon libon pilak tan duaran sankaabigan a kawes.”

Jeremias 4:15

Saray ibabaki a nanlapud dalin na Dan tan nanlapud kapokdulan na Efraim, ibabawag day maoges a balita.

Jeremias 50:19

Papawilen kod dalin da iray totood Israel. Pantagano da ray bunga na tanaman ya ontutubod Palandey na Carmelo tan diad pasen na Basan, tan kanen day labalabay da ed saray tanaman ya ontutubo ed dalin na Efraim tan dalin na Galaad.

Josue 24:33

Si Eleazar a lakin anak nen Aaron et inatey tan nipompon ed Gabaa, say baley a walad kapokdulan a dalin na Efraim a niiter ed anak ton laki a si Finees.

Saray Huis 2:9

Nipompon ed dilin parti na dalin to ed Timnat-sera diad pokdul na Efraim, diad baybay na Palandey na Gaas.

Saray Huis 7:24

Angibaki si Gedeon na saray totoo ed amin a kapokdulan na Efraim a mangikuan, “Akseb kayo, ta labanan yo ray Madianita. Tambangan yo rad Ilog na Jordan tan saray kolus ya anggad Bet-bara tan ag yo pababaliwen diman iray Madianita.” Pinmaway ya amin iray lalaki ed Efraim, tan tinmambang irad Ilog na Jordan tan saray kolus ya anggad Bet-bara.

Saray Huis 9:55

Nen anengneng na saray Israelita ya inatey si Abimelec, sinmempet la ran amin.

1 Samuel 24:6

tan kuantod saray totoo to, “Ag iyabuloy komun na Katawan a pasakitan koy pinili ton ari! Ag ko nepeg a pasakitan ta sikatoy ari a pinili na Katawan!”

1 Samuel 26:9

Balet inkuanen David, “Ag mo didiwiten! Andi-saew a dusaen na Katawan so siopaman a maniwit ed pinili ton ari.