2 Samuel 20:19 - Maung A Balita Biblia

¹⁹ Sakey a manonan siudad so kawalaan mi, sakey ed saray sankareenan tan sankatooran a siudad ed Israel. Akin et labay mon deralen? Labay mo ta a bagbagen so kayaryan na Katawan?”

Maung a Balita Biblia

¹⁹ Sakey a manonan siudad so kawalaan mi, sakey ed saray sankareenan tan sankatooran a siudad ed Israel. Akin et labay mon deralen? Labay mo ta a bagbagen so kayaryan na Katawan?

2 Samuel 20:19 Iomraidhean Croise

Genesis 18:23

Sinmingger si Abraham ed Katawan tan inkuanto, “Talaga sirin a deralen mo ray matonung a totoo, pati saray maoges?

2 Samuel 14:16

Inisip kon dengelen mo ak tan iyagel mo ak ed toon manggegetman mamatey ed siak tan say anak ko, et diad ontan, naekal to kamid dalin ya inter na Dios ed saray totoo to.

2 Samuel 17:16

Inyarum nen Cusai ya inkuan, “Ganatan yo! Paibaga yod kinen David a diad sayan labi ag ira manaayam ed saray babaliwan ed ilog diad kalawakan, no ag ingen baliwen ton tampol so Jordan, pian sikato tan saray totoo et ag ira naerel tan ag ira napatey.”

2 Samuel 20:18

Inkuanto may bii, “Nen saman a panaon inkukuanda, ‘Laka yon mangipanon ed Abel et naebatan kayo’—et onyay ginagawa ra.

2 Samuel 20:20

“Andin balut!” ebat nen Joab. “Ag kon balut deralen o bagbagen so siudad yo!

2 Samuel 21:3

Kanyan tinawag nen David iray totood Gabaon tan kuantod sikara, “Antoy labay yon gawaen ko para sikayo? Labay koy manggaway kamaungan ed sikayo ya isalat ed samay kaogsan ya agawad sikayo, pian nabindisionan yo ray totoo na Katawan.”

1 Saray Arari 8:53

Ta pinilim irad saray katoowan ed intiron mundo, pian magmaliw iran dilin totoom, onung na imbagam ed panamegley nen Moises ya aripen mo nen impaway mod Egipto iray lalaki mi.”

Saray Salmo 106:5

Ipanengneng mo pad siak so iyaligwas da ray totoom tan pibiang mo ak ed liket na bansam, diad gayaga da ray totoon kayaryan mo.

Saray Salmo 124:3

inakmun da itayo lan mabilay komun lapud mapalalon pasnuk dad sikatayo;

Saray Salmo 33:12

Maliket so bansa a say Dios to et say Katawan; maliket iray totoon pinili na Dios a kayaryan to!

Saray Salmo 78:71

a dimay pangaasikasoan tod saray ayep to; ginawa ton ari na Israel, say pumapastol na saray totooy Dios.

Jeremias 51:34

Tinetegteg na ari na Babilonia so Jerusalem, insan to kinan. Impagmaliw toy siudad a singa pasig a nakalay karga; singa dragon ya ayep ya angakmon ed siudad. Inaala toy labalabay to, insan to imbantak iray nakdaan.

Jeremias 51:44

Dusaen koy Bel a dios na Babilonia, tan paipawil kod sikato ray tinatakew to; ag la igalang na saray bansa. “Atumba ray padir na Babilonia.

Saray Tagleey 2:16

Balbalawen ka na amin da ray kalaban mo tan lapud pambosul da, mulmuldagatan da ka. Manngilngilet ira tan mankobibit ira, “Aderal mi la! Sikato yay aalagaren min agew!”

Saray Tagleey 2:2

Andi-panangasi a dineral na Katawan ya amin iray bario na Juda. Diad pasnuk to inggegeba to ray tirinsira na Juda. Impelag tod kababaingan so nanarian tan amin iray manoley to.

Saray Tagleey 2:5

Nagmaliw a singa sakey a kalaban so Katawan, dineral toy Israel; Dinederal to ray tirinsira tan saray palasio na Israel. Angiter na ag manganggan kaermenan ed saray totood Juda.

Saray Bilang 16:32

tan inakmun to ra tan saray kabyangay pamilya ra; ontan met ed saray amin a kagampi nen Core tan saray kayaryan da.

Saray Bilang 26:10

Sinmangi so dalin tan inakmon to ra, et inatey iran kaiba nen Core tan saray mananombuk to nen dineral na apoy so duanlasus tan limamplon lalaki; sikaray sakey a pasakbay ed saray totoo.

1 CORINTO 15:54

No asalatan lay ag naboluk so naboluk tan asalatan lay ag ompatey so ompatey, napatwa lad satay ibabagay Masanton Sulat: “Aderal so Patey, nagnap lay pananalo!”

2 CORINTO 5:4

Ta diad panaayam tid sayan tulda, say laman a mangaraldalin, manngesnges itayod kairapan aliwan lapud labay ti lan naandi yan laman a mangaraldalin, no ag ingen labay ti lan nasalatan na mangatatawen a laman. Diad ontan, say laman tayon ompatey et nasalatan na bilay ya andi-anggaan.

Deuteronomio 20:10

“No onla kayon ondogpa ed sakey a siudad, itdan yon onona iray totoo to na pankanawnawa ya onsuko ra.

Deuteronomio 32:9

balet pinili ton para sikaton dili iray kabyangay boleg nen Jacob.

1 Timoteo 2:2

Ontan met komun so nagawa para saray arari tan amin da ray manoley, pian makapambilay itayon anggapoy golo tan mareen, walay nagnap a kinasanto tan kasimpitan.

Saray Huis 5:7

Debora, abayag ya ataynan iray baley na Israel; anggapoy onkitakitaw ed sikara kasakbayan a sinmabi ka, a singa sakey ya ina ed Israel.

1 Samuel 10:1

Insan angalay Samuel na sakey a botilyan larak na oliba tan inkalbo tod olo nen Saul, inanguban to, tan kuanto, “Say Katawan lalanaan to kan manoley ed saray totoo ton Israelita. Oleyan mo ray totoo to tan iyagel mo rad saray kalaban da. Saya so pakapatnagan mo a pinili say Katawan a manoley ed saray totoo to.

1 Samuel 26:19

Dengel mo pay ibagak, O ari. No say Katawan so anagdag ed sika a sumpaen mo ak, sakey a bagat komuy makaoman na kanunutan to; balet no totooy anagdag, isamba ra komun na Katawan. Pinataynan da ak manlapud dalin na Katawan tan apasoot ak a manayam ed sakey a bansa a saray diriyos to labat so nayarian kon igalang.