2 Samuel 20:15 - Maung A Balita Biblia

¹⁵ Nadngelan na saray totoo nen Joab a wadmay Seba, kanyan linma ra tan niliktub da may siudad. Nambonton iray dalin ed paway na padir tan ginapwan dan kotkotan so silong na padir, pian natumba.

Maung a Balita Biblia

¹⁵ Nadngelan na saray totoo nen Joab a wadmay Seba, kanyan linma ra tan niliktub da may siudad. Nambonton iray dalin ed paway na padir tan ginapwan dan kotkotan so silong na padir, pian natumba.

2 Samuel 20:15 Iomraidhean Croise

2 Samuel 20:14

Dinmalan si Seba ed saray pasen a kawalaan da ray amin a tribu na Israel, insan linma ed siudad na Abel-bet-maaca. Nantitipon iray amin a kabyangay boleg nen Bicri, insan da tinombuk ed siudad si Seba.

1 Saray Arari 15:20

Inmabubon ed kinen Asa si Ari Ben-hadad, kanyan imbaki ton ondogpad saray siudad na Israel iray sondalo to tan saray pangulo ra. Adakep day Ijon, Dan, Abel-bet-maaca, say pasen ya asingger ed Dayat na Galilea, tan say intiron nasasakopan na Neftali.

2 Saray Arari 15:29

Legan na panaari nen Pekas, si Tiglat-pileser ya impirador na Asiria adakep to ray siudad na Ijon, Abel-bet-maaca, Janoa, Kedes, Hazor, Galaad, Galilea, tan Neftali; dinakep to ray totoon manaayam ed sarayan siudad, insan inawit to ran priso ed Asiria.

2 Saray Arari 19:32

“Onyay inkuan na Katawan nipaakar ed impirador na Asiria: ‘Ag to ya looban a siudad odino panaen na anggan sakey. Anggapo ray onsingger ed siudad a sondalon wala ray samper da, tan anggapoy nagawan bontun a para panakep ed siudad.

Ecclesiastes 9:14

Wala nen saman so sakey a baley a daiset iray totoon manaayam. Dinogpaan na sakey a makapanyarin ari. Niliktub to, insan namparaan a mangigeba ed saray padir.

Isaias 37:33

“Onyay inkuan na Katawan nipaakar ed impirador na Asiria: ‘Ag to looban o panaen yan siudad. Anggapoy onsingger ed siudad a sondalon walay samper to, tan anggapoy nagawan bontun a para panakep ed siudad.

Jeremias 32:24

“Saray taga Babilonia nanggagawa rad kaliber-liber na siudad na saray bunton a looban dan manakep, tan ondodogpa ra. Lapud bakal, eras, tan salot napelag ed lima ra so siudad. Katawan, nanengneng mo a tinmuan amin iray imbagam.

Jeremias 33:4

Siak a Katawan, say Dios na Israel, kuanko a saray kaabungan ed Jerusalem tan say palasio ed Juda et nageba ra lapud panlakob tan pandogpa.

Jeremias 6:6

Say Katawan a Makapanyarin-amin ingganggan to ra yan arari a mambatang iray kakiewan tan mambunton iray dalin, pian nakobkob day Jerusalem. Impasakbay to la nen saman, “Dusaen ko yan siudad lapud napno na panagpairap.

Ezekiel 4:2

Insan igulis mo met so panakep ed siudad; igulis mod kaliber-liber na siudad iray tirinsira, saray bunton na dalin, saray kampo, tan saray mason ankakabaleg.

Lucas 19:43

Ta onsabid sika ray agew a liktuben da ka ray kalaban mo tan saraan da ka, pian ag ka makapaway.