2 Samuel 20:10 - Maung A Balita Biblia

¹⁰ Balet ag naimano nen Amasa so ispadan sankabembenan nen Joab ed sakey a lima to. Indoyuk nen Joab so ispada ed eges nen Amasa et abuyak ed dalin so pait to. Inatey a tampol, kanyan ag la pinidua nen Joab. Insan intuloy nen Joab tan si Abisai ya agi to so onosil ed kinen Seba.

Maung a Balita Biblia

¹⁰ Balet ag naimano nen Amasa so ispadan sankabembenan nen Joab ed sakey a lima to. Indoyuk nen Joab so ispada ed eges nen Amasa et abuyak ed dalin so pait to. Inatey a tampol, kanyan ag la pinidua nen Joab. Insan intuloy nen Joab tan si Abisai ya agi to so onosil ed kinen Seba.

2 Samuel 20:10 Iomraidhean Croise

Genesis 4:8

Insan inkuanen Cain ed kinen agi ton Abel, “Mamasyar ta ed kaalogan.” Nen wadman la ra, tinekmelan nen Cain si agi to tan pinatey to.

2 Samuel 2:23

Balet ag tondaan nen Asael; kanyan dinoyuk nen Abner na pika ed pabenegan et nakna tod eges tan tinmalus ed beneg to. Alokbub ed dalin si Asael, tan inatey. Tinmonda tan nantanyareg so balang sakey a makasabid abaktaran nen Asael.

2 Samuel 20:9

Inkuanen Joab ed kinen Amasa, “Antoy bilay, kaaro?” insan to binembenan ed kawanan a lima to so balbas nen Amasa, ta anguban to.

2 Samuel 3:27

Kasabi nen Abner ed Hebron, impaliis nen Joab ed puirta tan konwarin pitongtongan to, balet ta sinaksak tod eges. Kanyan apatey si Abner lapud pinatey toy Asael ya agi nen Joab.

1 Saray Awaran 12:2

Kabyangan ira na tribu nen Benjamin; si Saul et kabyangan met na sayan tribu. Kawanan-kawigi so panamana tan panamansut da.

Jeremias 41:2

inoyus nen Ismael so ispada to tan saramay samploran lalaki, insan da pinatey si Gedalias.

Saray Bilang 35:20

“No kabosul na sakey a too so siopaman tan napatey to diad pangitulak to odino panupak tod sikato

Saray Huis 3:15

Insan tinmawag ed Katawan iray Israelita, kanyan angibaki na sakey a too ya angyagel ed sikara. Sayan too et si Aod a lakin anak nen Gera tan kabyangay tribu nen Benjamin. Kawigi yan too. Imbaki na saray Israelita si Aod ed Moab tan sankaawit to ray rigalon para si Ari Eglon.

Saray Huis 3:21

Inoyus na kawigin lima nen Aod imay ispadad kawanan a diking to, insan to intoruk ed eges na ari.

1 Samuel 26:8

Inkuanen Abisai ed kinen David, “Natan ed sayan labi impasilong na Dios ed pakayarim so kalaban mo. Iyabuloy mon say pika ton dili so idoyuk kod sikato tan ipanek kod dalin diad maminsan labat a doyuk—ag la nakaukolay mamidwa!”