2 Samuel 2:7 - Maung A Balita Biblia

⁷ Mampabiskeg tan mampasebeg kayo! Inatey lay ari yon Saul, tan saray totood Juda et nilanaan da ak a manari ed sikara.”

Maung a Balita Biblia

⁷ Mampabiskeg tan mampasebeg kayo! Inatey lay ari yon Saul, tan saray totood Juda et nilanaan da ak a manari ed sikara.

2 Samuel 2:7 Iomraidhean Croise

Genesis 15:1

Kasumpal to yan inkagawa, walay pasingayew ed kinen Abram tan arengel ton inkuan na Katawan ed sikato, “Ag ka natatakot, Abram. Salimbengan ta kad kaatapan tan itdan ta kay baleg a tumang.”

2 Samuel 10:12

Mampabiskeg kayoy linawa! Pasiaen tayoy mibakal para saray totoo tayo tan para saray siudad na Dios tayo. Say linawa na Katawan komun so nagawa!”

2 Samuel 2:6

Et natan ipanengneng komun na Katawan so panangasi tan inkatoor tod sikayo. Maung met so ipanengneng kod sikayo, lapud sayan ginawa yo.

2 Samuel 2:8

Say pangulo da ray sondalo nen Saul a si Abner ya anak nen Ner et akabatik a kaiba toy Isboset a lakin anak nen Saul. Batik irad Mahanaim a nibaliw na Jordan.

2 Samuel 5:3

Kanyan amin a panguloy Israel linma rad kinen Ari David diad Hebron. Diad arap na Katawan akisipanan ed sikara, nilanaan da et nagmaliw ya ari na Israel.

2 Saray Arari 11:12

Insan impaway nen Joiada si Joas, kinoronaan to tan inter tod sikato ray ganggan a nipaakar ed panari. Alanaan tan nibawag a manari si Joas. Nantitipak iray totoo tan ineeyag da, “Andokey komun so bilay na ari!”

Nehemias 2:18

Insan ko imbagad sikara no panoy inkiwala na Dios ed siak tan no panoy impanulong tod siak, tan no anto ray imbaga na impirador ed siak. Inmebat ira, “Igapo ti la sirin so pangipaalagey tayo lamet!” Kanyan namparaan iran mangigapo na kimey.

1 CORINTO 16:13

Manalwar kayo, mampabiskeg kid pananisia, mampakpel kayoy linawa, tan mampabiskeg kid laman yo.

TAGA-EFESO 6:10

Kaonuran, mampabiskeg kayo diad pikakasakey yod Katawan tan diad tulong na mabiskeg a pakayari to.

1 Samuel 31:12

amin a sankasebegan a lalaki, nanakar iran sanlabi a linmad Bet-san. Inala rad padir iray bangkay di Saul tan saray anak ton lalaki, insan inyakar da rad Jabes a diman da ra pinoolan.

1 Samuel 31:7

Nen saray Israelitan manaayam ed biek a dapag na Patar na Jezreel tan bokig na Ilog na Jordan et nadngelan dan kibatiktik iray sondalo na Israel tan apatey si Saul tan saray anak ton lalaki, tinaynanan da ray baley da. Insan sinmabi ray Filisteo tan nanayam irad saraman a baley.

1 Samuel 4:9

Mampabiskeg kayoy linawa, sikayo ran Filisteo! Milaban kayon singa tuan lalaki, ta no andi, magmaliw itayon aripen na saray Hebreo, a singa impangaripen tayod sikara. Kanyan milaban kayon singa tuan lalaki!”