2 Samuel 2:26 - Maung A Balita Biblia

²⁶ Kinolyaotan nen Abner si Joab, “Akin, ag itayo la ontondan manlalaban? Ag yo ta nanengneng a kapaitan labat so pansumpalan tayo? Kabaleyan yo kami. Kapigay pangiganggan mod saray totoom a tondaan da kami lan osilan?”

Maung a Balita Biblia

²⁶ Kinolyaotan nen Abner si Joab, Akin, ag itayo la ontondan manlalaban? Ag yo ta nanengneng a kapaitan labat so pansumpalan tayo? Kabaleyan yo kami. Kapigay pangiganggan mod saray totoom a tondaan da kami lan osilan?

2 Samuel 2:26 Iomraidhean Croise

2 Samuel 11:25

Inkuanen David ed samay imbaki, “Pabiskeg moy linawa nen Joab. Ibagam ed sikato ya ag nagogoloy isip to, ta ag nibaga no siopay napatey ed bakal. Ibagam met ed sikato ya ag nagogoloy isip to, ta ag nibaga no siopay napatey ed bakal. Ibagam met ed sikato a pabiskegen toy idogpa tod siudad, pian nadakep yo.”

2 Samuel 2:14

Inkuanen Abner ed kinen Joab, “Panlalabanen tayo ray pigaran lalaki na balang dapag.” “On, sigi!” ebat nen Joab.

2 Samuel 2:16

Balang sakey binembenan toy olo na kalaban to tan dinoyuk tod diking, kanyan nambabansag iran atumban inatey. Kanyan saman a pasen ed Gabaon tatawagen na “Alog na saray Ispada.”

2 Samuel 2:25

Saray totoon nanlapud tribu nen Benjamin nantitipon ira lamet ed kawalaan nen Abner, tan nanalagey iran akaparaan ed toktok na sakey a pokdul.

2 Samuel 2:27

Inmebat si Joab, “Sambaan kod ngaran na mabilay a Dios a no ag ka labat nansalita, osilan ka na saray totook ya anggad kabwasan.”

Say Libro nen Job 18:2

“Job, kapigay itondam a mansalita? No itondam makapitongtong kamid sika.

Say Libro nen Job 19:2

“Akin et ag yo ak la tondaan a pairapen diad panamegley na saray salita?

Saray Salmo 4:2

Kapigay itonda yon mamapabaing ed siak, sikayo ran totoo? Kapigay itonday pangaaro yod andi-kakanaan iran salita tan say panaanap yod saray tila?

Probirbio 17:14

Say gapo na sangsangan et singa abut ed diki; kanyan patondam kasakbayan ya ombaleg ni.

Isaias 1:20

Balet no ipolisay tan labanan yo ak, andi-duaruwan ompatey kayo. Siak, say Katawan, so nansalita.”

Jeremias 12:12

Manlapud biek na amin a niatagey a kabueran dinmadagon manderal iray totoo. Angibaki ak na bakal a manderal ed intiron bansa; anggapoy makapambilay ed kareenan.

Jeremias 2:30

Dinusa ta kayo, balet anggapoy angomanan yo; ag yo inabuloyan a peteken ta kayo. Singa kayo masebeg a lion ya amatey ed saray propita yo.

Jeremias 4:21

Kapigan mangangga so nepeg kon pangimatun ed sulit na bakal tan say pandengel koy tanul na trumpita?

Jeremias 46:10

Sikato yay agew na Katawan a Dios a Makapanyarin-amin: ombawi natad sayan agew; dusaen to ray kalaban to natad sayan agew. Kanen ira na ispada to ya anggad napsel; inomen toy dala ra ya anggad apenek. Ibagat natad sayan agew na Makapanyarin-amin iray kalaban ton inaatey diad baybay ya asingger ed Eufrates.

Jeremias 46:14

“Ibawag mod saray baley na Egipto, diad Migdol, Memfis, tan Tafnes, ‘Mamparaan kayon mangyagel ed sikayon dili; naderal ed bakal iray amin a kayaryan yo!

Oseas 11:6

Ondalan ed saray siudad da so bakal tan nageba ray puirta na siudad da. Deralen na bakal iray totook lapud gagawaen da so abaloan dan sankamaungan.

Saray Gawgawa 7:26

Nen ontombuk ya agew, anengneng toy duaran Israelita a manlalaban, tan pankakaaroen to ra. ‘Kakaaro,’ inkuanto, ‘akin et manlalaban kayo anta sanagi kayo?’