2 Samuel 2:13 - Maung A Balita Biblia

¹³ Linma met diman si Joab a lakin anak nen Sarvia tan saray arum ya opisyal nen David, tan nanaabet irad samay dipositoy danum diman. Say sakey a grupo inmirung ed sakey a dapag tan say sakey a grupo diad basil.

Maung a Balita Biblia

¹³ Linma met diman si Joab a lakin anak nen Sarvia tan saray arum ya opisyal nen David, tan nanaabet irad samay dipositoy danum diman. Say sakey a grupo inmirung ed sakey a dapag tan say sakey a grupo diad basil.

2 Samuel 2:13 Iomraidhean Croise

2 Samuel 2:18

Akibakal iray taloran lalakin anak nen Sarvia a di Joab, Abisai, tan Asael. Si Asael, a mabatik a singa ulsad katakelan,

2 Samuel 20:23

Si Joab so pangulo na saray sondalod Israel; si Benaya a lakin anak nen Joiada so pangulo da ray bantay na ari;

2 Samuel 20:8

Kasabi rad baleg a bato diad Gabaon, inabet ira nen Amasa. Akakawes na para bakal si Joab, tan akasalukbit ed balkes to so ispada ton walad kaluban. Diad inkurang to, pinmaway so ispada tan apattak.

2 Samuel 23:24

Sikara ya so arum a lalakin kabyangan na “Saray Talomplo”: Asahel a lakin agi nen Joab Elhanan a lakin anak nen Dodo, tan taga Betlehem Samma tan Elica a taga ra Harod Helez a taga Pelet Ira a lakin anak nen Ikes, tan taga Tecoa Abiezer a taga Anatot Mebunai a taga Husa Zalmon a taga Aho Maharai a taga Netofa Heleb a lakin anak nen Baana, tan taga Netofa Itai a lakin anak nen Ribai, tan taga Gabaa a sakop nen Benjamin Benaya a taga Piraton Hidai a taga saray patar a kaabay na Gaas Abi-albon a taga Araba Azmavet a taga Bahurim Eliaba a taga Saalbon Saray lalakin anak nen Jasen Jonatan Samma a taga Arar Ahiam a lakin anak nen Sarar, tan taga Arar Elifalet a lakin anak nen Ahasbai, tan taga Maaca Eliam a lakin anak nen Ahitofel, tan taga Gilo Hezro a taga Carmel Paarai a taga Arab Igal a lakin anak nen Natan, tan taga Soba Bani a taga Gad Zelek a taga Ammon Naharai a taga Beerot tan sikatoy umaawit na armas nen Joab ya anak nen Sarvia Ira tan Jareb a taga ra Jatir Urias a Heteo Talomplo tan pito ran amin a bantug a sondalo.

2 Samuel 8:16

Si Joab a sananey ya anak nen Sarvia so pangulo na saray sondalo; si Josafat a lakin anak nen Ahilud so akaoley ed pansulat na awaran;

1 Saray Arari 1:7

Akitongtong lad kinen Joab (a say ina to et si Sarvia) tan si Abiatar a pari, et inmabuloy iran tulongan da.

1 Saray Arari 2:5

“Wala niy ibagak ed sika. Amtam iman so ginawa nen Joab ed siak nen pinatey to ray duaran pangulo na saray sondalo na Israel a di Abner a lakin anak nen Ner tan Amasa a lakin anak nen Jeter. Amtam no panoy impamatey tod sikara nen panaon na kareenan lapud imbawi tod impamatey da nen panaon na bakal. Pinatey to ray totoon anggapoy kasalanan tan natan siak so natetetel lapud saray ginawa to, tan siak so manaani na saray bungay kaogsan to.

1 Saray Awaran 11:6

Inkuanen David, “Magmaliw a pangulo na saray sondalo so siopaman a makaonan makapatey na Jebuseo.” Impangulo nen Joab a lakin anak nen Sarvia so indogpa ra tan nagmaliw a pangulo na saray sondalo.

1 Saray Awaran 2:16

Wala met so duaran anak ton bibii a di Sarvia tan Abigail. Taloray lalakin anak nen Sarvia a biin anak nen Jesse: di Abisai, Joab, tan Asael.

Jeremias 41:12

Kanyan intagar da ray totoo ra tan nila ran labanan si Ismael. Nabot da ed pasen ya asingger ed baleg a dipositoway danum ed Gabaon.

1 Samuel 26:6

Insan tinepet nen David ed kinen Ahimelec a Heteo, tan diad kinen Abisai ya anak nen Zarvia tan agi nen Joab, “Siopad sikayon dua so milad siak ya onlad kampo nen Saul?” “Siak,” ebat nen Abisai.