2 Samuel 19:37 - Maung A Balita Biblia

³⁷ Insan yo ak la abuloyan ya onsempet, ta labay ko so ompatey ed abay na lobuk na saray atateng ko. Niay anak kon Camaam; awit mo la, Kagalang kon Ari, tan akaoley ka lan manggawad sikato na isisipen mon maabig.”

Maung a Balita Biblia

³⁷ Insan yo ak la abuloyan ya onsempet, ta labay ko so ompatey ed abay na lobuk na saray atateng ko. Niay anak kon Camaam; awit mo la, Kagalang kon Ari, tan akaoley ka lan manggawad sikato na isisipen mon maabig.

2 Samuel 19:37 Iomraidhean Croise

Genesis 47:30

Labay koy nipompon ed kawalaan da ray atateng ko; ipaway mo ak ed Egipto tan ipompon mo ak ed angipomponan ed sikara.” Inmebat si Jose, “Gawaen koy imbaga yo.”

Genesis 48:21

Insan inkuanen Jacob ed kinen Jose, “Onung na sankanengneng mo, magano ak lan ompatey, balet mansiansian kaibam so Dios, tan papawilen to kad dalin na saray atateng mo.

Genesis 50:13

inyakar dad Canaan so bangkay to, imponpon dad ongib ed Macpela a bokig na Mamre, diad samay alog a sinaliw nen Abraham ed kinen Efron a Heteo, ta ginawa ton pasen a pomponan.

2 Samuel 19:36

Ag ak manepeg a mangawat ed satan a baleg a tumang. Kanyan mila ak labat ed sika diad lablabas na Jordan.

2 Samuel 19:38

Inmebat so ari, “Pilaen ko tan gawaen kod sikato so isisipen mon maabig. Gawaen ko so antokaman a kerewen mo.”

2 Samuel 19:40

Kabaliw na ari, ya inolup na amin a lalakin taga Juda tan kapaldua na amin a lalakin taga Israel, tinmuloy ed Gilgal a kaiba toy Camaam.

1 Saray Arari 13:22

no ag ingen pinmawil ka tan angan kad lugar ya ingganggan ton ag mo panganan, napatey ka tan ag nipompon ed lobuk na pamilyam so bangkay mo.”

1 Saray Arari 2:7

“Balet kasian mo ray lalakin anak nen Barsillai a taga Galaad; itdan mo ra lawas na nakaukolan da, ta kinasian da ak nen ibabatikan koy agim ya Absalom.

1 Saray Arari 4:5

Say manona ed saray gobirnador na distrito: si Asarias a lakin anak nen Natan Say sumisimbawa na ari: si Zabud a pari tan anak nen Natan

Jeremias 41:17

Insan ira sinmiput ya onlad Egipto. Tinmonda ran agano ed Kimham ya asingger ed Betlehem. Ginetma ray onla ed Egipto,

2 Timoteo 4:6

No say siak, ngalngali ak la nibagat; sinmabi lay oras na itaynan kod sayan bilay.

Josue 23:14

“Magano ak lan ontaynan ed sayan mundo. Amta na balang sakey ed sikayo diad puso tan kamarerwa to a say Katawan a Dios yo et inter tod sikayoy amin iran maabig a bengatla ya insipan to. Asumpal ya amin iray insipan to; anggapoy ag agawa.

2 Pedro 1:14

Amtak ya asingger ak lan ompatey onung na impaamtan malinew ed siak na Katawan tayon Jesu-Cristo.