2 Samuel 19:28 - Maung A Balita Biblia

²⁸ Kanepegan a pateyen mo ray amin a kabyangay boleg nen Saul, balet initdan mo ak na kanepegan a mangan ed lamisaan mo. Anggapo lay kanepegan kon onkerew ni na antokaman a panangasi ed sika.”

Maung a Balita Biblia

²⁸ Kanepegan a pateyen mo ray amin a kabyangay boleg nen Saul, balet initdan mo ak na kanepegan a mangan ed lamisaan mo. Anggapo lay kanepegan kon onkerew ni na antokaman a panangasi ed sika.

2 Samuel 19:28 Iomraidhean Croise

Genesis 32:10

O matoor a Katawan, ag ak manepeg a mangawat na panangarom tan panangasim ya impatnag mod siak a mapaabeban aripen mo. Binaliw koy Jordan ya anggapoy awit ko no ag say baston labat, balet natan pinmawil ak a kaibak ira yan duaran olup.

2 Samuel 14:17

Inkuankod siak a dili a say sipan mo, Kagalang kon Ari, et iyarawi to ak ed kaatapan, ta say ari et singa anghil na Dios tan napambiigan toy maung tan maoges. Wala komun ed sika so Katawan a Dios mo!”

2 Samuel 14:20

Balet ginawa to ya, pian naapiger so antokaman ya aderal. Balet makabat a singa anghil na Dios so Kagalang kon Ari tan kabat toy amin a nagagawa.”

2 Samuel 15:26

Balet no aliwan maung so linawa tod siak, akaparaan ak a mangawat ed antokaman a labay ton gawaen ed siak.”

2 Samuel 16:3

“Kawalaan nen Mefiboset ya apo nen katawan mon Saul?” tepet na ari ed sikato. Inmebat si Siba, “Manaayam ed Jerusalem, ta sisiaen to ya ipawil natan na saray Israelita ed sikato so nanarian na laki ton si Saul.”

2 Samuel 19:29

Inmebat so ari, “Ag mo la aaruman itay ibabagam. Ginetmak lan panapagan yo nen Siba iray kayaryan nen Saul.”

2 Samuel 9:10

Sika, saray anak mo, tan saray aripen mo so ondalus ed dalin para sikato; iter yod sikatoy naani, pian walay taganoy pamilya to. Balet si Mefiboset mangan lawas ed lamisaan ko.” (Si Siba labinliman lalaki so anak to tan duamplo so aripen to.)

2 Samuel 9:13

Kanyan nanayam ed Jerusalem si Mefiboset a lopuy iray sali to. Diad lamisaan na ari so angakanan to lawas.

2 Saray Arari 8:3

Kayariy pitoy taon samay bii pinmawil ed Israel, insan linmad ari, ta kerewen ton nipawil ed sikatoy abung to tan say dalin to.

1 Samuel 26:16

Pinaolyan moy kimey mo, Abner! Diad ngaran na mabilay a Katawan, nepeg yoy pateyen ya amin, ta ag yo inyagel so toon ginawa na Katawan ya ari. Nengneng yo! Iner so kawalaay pika na ari? Iner so kawalaay pananginay danum a walad olowan to?”