2 Samuel 19:22 - Maung A Balita Biblia

²² Balet inkuanen David ed saray sanagin Abisai tan Joab, “Siopay anepet ed sikayo no antoy nepeg a gawaen? Labay yon itdan ak na gunigon? Siak la natan so ari na Israel; anggapoy Israelitan napatey natan ed sayan agew.”

Maung a Balita Biblia

²² Balet inkuanen David ed saray sanagin Abisai tan Joab, Siopay anepet ed sikayo no antoy nepeg a gawaen? Labay yon itdan ak na gunigon? Siak la natan so ari na Israel; anggapoy Israelitan napatey natan ed sayan agew.

2 Samuel 19:22 Iomraidhean Croise

2 Samuel 16:10

Inkuan na ari ed sanagin si Abisai tan si Joab, “Anggapoy pibabali yod saya. No aayewen to ak lapud imbagay Katawan ed sikato, siopay toon walay kanepegan a manepet no akin et gagawaen to?”

2 Samuel 16:5

Kasabi nen Ari David ed Bahurim, inabet na sakey ed saray kakanayon nen Saul, si Simei a lakin anak nen Gera. Nen onsasabi inaayew-ayew to si David.

2 Samuel 16:9

Si Abisai a lakin anak nen Sarvia kuantod kinen Ari, “Akin et palpaolyan mon ayewen ka na satan ya aso? Abuloyan mo ak pan onla, ta potuten koy olo to!”

2 Samuel 3:39

Anggan sakey ak ya arin pinili na Dios, makapkapoy ak ed sayan agew. Ag ko nayariay inkaruksa da ra yan lalakin anak nen Sarvia! Dusaen komun na Katawan ira yan kriminal onung ed kanepegan da!”

Isaias 16:5

Insan magmaliw ya ari so sakey ed saray kabyangay boleg nen David, tan iletneg tod kaptekan tan panangaro so panoley tod saray totoo. Masiglat a manggaway katonungan, tan andi-saew ya ipakurang toy kaptekan.)

Mateo 8:29

Inmeyaeyag iran tampol, “Antoy getmam a gawaen ed sikami, Anak na Dios? Linma ka mamairap ed sikami, anggan ag ni asabiy panaon?”

1 Samuel 11:13

Balet inkuanen Saul, “Anggapo natan so pateyen, ta diad sayan agew inyagel na Katawan so Israel.”

1 Samuel 26:11

Ag komun iyabuloy na Katawan a siak so mamasakit ed toon pinili ton ari! Alaen ta labat so pika to tan say pananginan toy danum, insan ta la onla.”

1 Samuel 26:8

Inkuanen Abisai ed kinen David, “Natan ed sayan labi impasilong na Dios ed pakayarim so kalaban mo. Iyabuloy mon say pika ton dili so idoyuk kod sikato tan ipanek kod dalin diad maminsan labat a doyuk—ag la nakaukolay mamidwa!”

1 Samuel 26:9

Balet inkuanen David, “Ag mo didiwiten! Andi-saew a dusaen na Katawan so siopaman a maniwit ed pinili ton ari.