2 Samuel 19:19 - Maung A Balita Biblia

¹⁹ tan kuanto, “Kagalang kon Ari, ipangasim pan lingwanan mo la may makapoy a ginawak diad samay agew a tinaynan moy Jerusalem. Ag mo la komun ipapakasalanan ed siak; ag mo la komun nununoten.

Maung a Balita Biblia

¹⁹ tan kuanto, Kagalang kon Ari, ipangasim pan lingwanan mo la may makapoy a ginawak diad samay agew a tinaynan moy Jerusalem. Ag mo la komun ipapakasalanan ed siak; ag mo la komun nununoten.

2 Samuel 19:19 Iomraidhean Croise

2 Samuel 13:20

Nen anengneng nen Absalom ya agi to, tinepet to, “Pinasoot kan inakdulan nen Amnon? Ag mo la kari liliknaen a maung. Lapud ta agim ed ama, ag mo la ibabagad siopaman so agawa.” Maerermen a nanayam si Tamar ed abung nen Absalom.

2 Samuel 13:33

Kanyan ag mo komun panisiaen so balitan inatey ya amin iray lalakin anak mo; si Amnon labat so inatey.”

2 Samuel 19:18

Binaliw day ilog a mangolup ed ibaliw na ari tan saray kakaiba to tan manggawa ed antokaman a labay to. Nen kuan lan ombaliw so ari, tinmiblak si Simei ed arap to

Saray Salmo 32:2

Maliket so too a say Katawan et ag to aakusaen a nanggaway kaogsan tan anggapod puso to so antokaman a panamalingo.

Saray Salmo 79:8

Ag mo kami pa dudusaen lapud saray kasalanan da ray lalaki mi. Kasian mo kami pa natan; naandi lan amiy ilalo mi.

Ecclesiastes 10:4

No mampasnuk ed sika so amom ag ka oneekal ed kimey mo; ta no ag ka oneseesel nayarin napirdona so anggan baleg a kasalanan mo.

Isaias 43:25

Anggaman ontan, siak so Dios a mamipirdonad saray kasalanan mo, et onyay gagawaen ko lapud inka-Dios ko. Ag ta ka singilen ed saray kasalanan mo.

Jeremias 31:34

Anggapod sikaray nepeg a mangibangat ed kabansaan to na nipaakar ed pangamta ed Katawan, ta nakabatan da ak ya amin, abeba may atagey so kipapasen da. Pirdonaen ko ray kasalanan da tan ag ko la nunoten iray ginagawa ran kaogsan. Siak, say Katawan, so nansalita.”

Saray Bilang 12:11

inkuantod kinen Moises, “Ipangasim ya ag mo kami panliliknaen na onyan dusa lapud kasalanan min impanbalaw mid sika.

Mateo 27:4

“Nankasalanan ak, ta inyawat kon papatey so toon anggapoy kasalanan!” inkuanto. “Antoy pibabalian mi? Sikay akaoley ed satan!” inebat da.

2 CORINTO 5:19

Ipupulong min say Dios mikakaarod saray katoowan diad panamegley nen Cristo, tan lilingwanan to la ray kasalanan da. Et impia na Dios ed sikami yan balita.

1 Samuel 22:15

On, impanonan kod Dios, tan amimpiga la yan ginawak. No nipaakar ed pankokomplut ya ibabagam, ag mo ak aakusaen tan say siopaman ed pamilyak. Anggapoy pakapikabat kod sayan pamaakaran!”

1 Samuel 25:25

Paolyan mo pa la komun iman a Nabal, ta andi-kabaliksan a too! Say inkatoo to et kapara na kabaliksan na ngaran to—sakey ya ambagel! Andid man ak, nen linma rad may aripen mo.

1 Samuel 26:21

Inmebat si Saul, “Makapoy so ginawak. Pawil ka la, David, ya anak ko! Ag ta ka lan balut pasakitan, ta ag mo ak pinatey ed sayan labi. Nakalan ak na kalakal! Maoges a tuloy so ginawak!”