2 Samuel 18:28 - Maung A Balita Biblia

²⁸ Insan inkulyaot nen Ahimaaz ed ari, “Maung ya amin so agawa.” Tinmiblak ed dalin ed arap na ari, tan kuanto, “Nagalang komun so Katawan a Dios mo ya angiter ed sika na pananalo ed saray totoon sinmumpa ed sika, Kagalang kon Ari!”

Maung a Balita Biblia

²⁸ Insan inkulyaot nen Ahimaaz ed ari, Maung ya amin so agawa. Tinmiblak ed dalin ed arap na ari, tan kuanto, Nagalang komun so Katawan a Dios mo ya angiter ed sika na pananalo ed saray totoon sinmumpa ed sika, Kagalang kon Ari!

2 Samuel 18:28 Iomraidhean Croise

Genesis 14:20

Nagalang komun so Sankatageyan a Dios ya angiter ed sikay pananalod saray kalaban mo.” Inter nen Abram ed kinen Melkisedek so kakaplo na amin ya asamsam to.

Genesis 24:27

Inkuanto, “Nadayew komuy Katawan a Dios na amok ya Abraham; tinoor toy sipan tod kinen amok. Say Katawan inwanwan to ak a linma ed saray dilin kakanayon nen amok.”

2 Samuel 1:2

Diad mikatlon agew sinmabiy sakey a balolakin nanlapud kampo nen Saul. Diad pangipanengneng toy ermen to pinipilat toy kawes to tan ininan toy dabuk so olo to. Linmad kinen David tan dinmakmomo ya anggad dalin a pamagalang to.

2 Samuel 14:4

Linma may bii ed ari, dinmakmomo ya anggad dalin a pamagalang to, tan kuanto, “Tulongan mo ak pa, Kagalang kon Ari!”

2 Samuel 22:27

Malinis so ipapatnag mod saray malinis so panagbilay da, balet mapasnuk kad saray maoges so panagbilay da.

2 Saray Awaran 20:26

Nen kumapat ya agew nantitipon irad Patar na Beraca tan indayew dad man so Dios lapud amin a ginagawa ton para sikara. Sikato yay makasengeg ya atawag iman a patar na “Beraca.”

Saray Salmo 115:1

Sika labat, Katawan, sika labat, aliwan sikami so nepeg a pangitnay galang, lapud ag mangoman a panangarom tan say katooran mo.

Saray Salmo 124:6

Misalamat itayod Katawan, ya ag angyabuloy a deralen itayo na saray kalaban tayo.

Saray Salmo 31:8

Ag mo inyabuloy a nadakep ak na saray kalaban ko; initdan mo ak na kawayangan ya onlad labay kon laen.

Exodo 18:10

tan kuanto, “Nadayew so Katawan ya angyagel ed sikayo ed ari tan diad saray Egipsio. Nadayew so Katawan ya angilaban ed saray totoo to ed impakaaripen.

1 Samuel 17:46

Diad sayan agew say Katawan iyawat to kad limak; taloen ta ka tan potuten koy olom. Saray bangkay da ray sondalon Filisteo et ipakan kod saray manok tan saray ayayep. Naamtaan ed satan na intiron mundo a say Israel et walay Dios to,

1 Samuel 24:18

Diad sayan agew impatnag mo so ontan lan kamaungan mod siak, ta ag mo ak pinatey, anggaman ya impasilong ak na Katawan ed pakayarim.

1 Samuel 25:23

Nen anengneng nen Abigail si David, inmepas a tampol tan tinmikleb ed dalin,

1 Samuel 26:8

Inkuanen Abisai ed kinen David, “Natan ed sayan labi impasilong na Dios ed pakayarim so kalaban mo. Iyabuloy mon say pika ton dili so idoyuk kod sikato tan ipanek kod dalin diad maminsan labat a doyuk—ag la nakaukolay mamidwa!”