2 Samuel 18:27 - Maung A Balita Biblia

²⁷ Inkuan na bantay, “Nanenengneng kon say onaan et singa kababatik nen Ahimaaz.” Inkuan na ari, “Maung a too, kanyan sankaawit toy maung a balita.”

Maung a Balita Biblia

²⁷ Inkuan na bantay, Nanenengneng kon say onaan et singa kababatik nen Ahimaaz. Inkuan na ari, Maung a too, kanyan sankaawit toy maung a balita.

2 Samuel 18:27 Iomraidhean Croise

2 Samuel 18:26

Insan akanengneng lamet imay bantay na sakey a toon mambabatik a bukbukor. Inkulyaot tod bantay na puirta, “Nengneng mo! Wala niy sakey a toon mambabatik!” Inmebat so ari, “Maung met a balita so awit to tan.”

1 Saray Arari 1:42

Mansasalita ni nen sinmabiy Jonatan a lakin anak nen Abiatar a pari. “Loob ka,” kuanen Adonias. “Maung kan too—kanyan andi-duaruwan maung a balita so ipasabim.”

2 Saray Arari 9:20

Imbalita ni lamet na samay guardia ya asabi la na samay imbaki so olup na totoo, balet et ag ni ompapawil. Insan to inyarum, “Singa ambagel a mamapabatik na karwahi to so pangulo na olup; kaparpara nen Jehu!”

Probirbio 25:13

Say napanmatalkan a manangibalita papasimbaloen toy liknaan na angibakid sikato, a singa ambetel a danum no ampetapetang a panaoy panagani.

Probirbio 25:25

Say pakadngel na maung a balitan manlapud arawin pasen et singa iyinom na ambetel a danum no sikay napgaan.

Isaias 52:7

Agaylay abig a nengnengen so ibabaki ya onsasabin bebeltangen toy kapalandeyan a taruk toy maung a balita, say balita na kareenan! Ibabawag toy pananalo tan kuantod Sion, “Ari so Dios mo!”

Saray Taga Roma 10:15

Tan panon a makapampulong iray Maung a Balita, no ag ira imbaki? Onung na ibabagay Masanton Sulat, “Agaylay abig a nengnengen so isabi da ray managpulong na Maung a Balita!”