2 Samuel 18:2 - Maung A Balita Biblia

² Imbaki to ran taloran grupo; si Joab so panguloy sakey, si Abisai ya agi to so panguloy sakey, tan si Itai a taga Gat so panguloy sakey met. Inkuan na ari ed saray totoo to, “Mila ak ed sikayo.”

Maung a Balita Biblia

² Imbaki to ran taloran grupo; si Joab so panguloy sakey, si Abisai ya agi to so panguloy sakey, tan si Itai a taga Gat so panguloy sakey met. Inkuan na ari ed saray totoo to, Mila ak ed sikayo.

2 Samuel 18:2 Iomraidhean Croise

2 Samuel 17:11

Say simbawak sirin et say panipon mod amin ya Israelita, manlapud baley na Dan ya anggad baley na Beer-seba, a singa ra karakel na buer ed dayat; insan sikan dili so mangipangulod pibakal da.

2 Samuel 21:17

Balet si Abisai a lakin anak nen Sarvia dinago ton tinulongan si David, dinogpaan to may alan, insan to pinatey. Kayari to ya, saray totoo nen David impaisipan dad sikato ya ag lan balut milad bakal. Inkuanda, “Sikay ilalo na Israel, et ag mi labay a naandi kad sikami.”

2 Samuel 23:18

Say lakin agi nen Joab a si Abisai (Si Sarvia so ina ra) so pangulo da ray “Talomplon Bantug.” Inkana toy pika diad impilaban tod saray talon lasus a lalaki tan pinapatey to ra, kanyan nagmaliw a bantug ed “Saray Talomplo.”

2 Samuel 8:16

Si Joab a sananey ya anak nen Sarvia so pangulo na saray sondalo; si Josafat a lakin anak nen Ahilud so akaoley ed pansulat na awaran;

1 Saray Arari 2:28

Nadngelan nen Joab so agawa. (Tinulongan toy Adonias, balet ag to tinulongan si Absalom.) Kanyan batik ed Masanton Tulda tan pinmeket ed pinagkasaklur na altar.

Saray Salmo 3:6

Ag ko antakot iray libo-libon kalaban ko a manlalakob ed siak.

Saray Huis 7:16

Impankatlo ton grupo ira may talon lasus a totoo to tan initdan to ray sansasakey a trumpita tan sansasakey a porunggo a walad dalem so nipotan ya apoy.

Saray Huis 7:19

Sinmabiy Gedeon tan saray sanlasus a totoo to ed samay gilig na kampo nen magano lay pegley labi tan kakkapansalat na guardia. Insan da pinaknul so trumpita ra tan imbetag da may sankabembenan dan porunggo,

Saray Huis 9:43

kanyan tinawag to ray totoo to, impankatlo to ran grupo, inmamut irad kaalogan tan nanalagar ira. Nen anengneng ton ompapaway ed siudad iray totoo, pinmaway si Abimelec ed panaamutan to, ta pateyen to ra.

1 Samuel 11:11

Kaimbuas ginawa nen Saul a taloran grupo iray totoo to, tan diad palbangon dinogpaan da ray Ammonita a walad kampo. Kasabiy kaaguan apatey da la ra. Ataytayak iray akeraan, tan nagsibatik so balang sakey ed sikara.