2 Samuel 18:17 - Maung A Balita Biblia

¹⁷ Inala ray bangkay nen Absalom, impelag dad aralem a bobun ed takel, insan da tinabunan na saray bato. Amin ya Israelita batik ed kaabungan da.

Maung a Balita Biblia

¹⁷ Inala ray bangkay nen Absalom, impelag dad aralem a bobun ed takel, insan da tinabunan na saray bato. Amin ya Israelita batik ed kaabungan da.

2 Samuel 18:17 Iomraidhean Croise

2 Samuel 19:5

Linmay Joab ed abung na ari tan kuantod sikato, “Pinaabebam natan iray totoom—saray totoon angyagel na bilay mo tan say bilay na saray anak mon bibii, say bilay na saray asawam tan saray bibiin iyaamung mo.

2 Samuel 19:8

Insan inmalagey so ari, linma tan inmirung ed abay na puirtay siudad. Nadngelan na saray totoo to a wadman, kanyan inmasingger irad sikato. Legan to ya, batik iray amin ya Israelita, tan nagsisempet irad kaabungan da.

2 Samuel 19:9

Diad intiron bansa nambabalingaan iray totoo. Inkuandad sakey tan sakey, “Inyagel itayo nen Ari David ed saray kalaban tayo. Inyagel to itayod saray Filisteo, balet natan imbatikan toy Absalom tan tinaynan toy bansa.

2 Samuel 20:1

Nibanan wadman ed Gilgal so sakey a toon andi-kakanaan a si Seba a lakin anak nen Bicri, tan kabyangan na tribu nen Benjamin. Pinaknul toy trumpita tan ineyag to, “Anggapoy pibabali mid kinen David ya anak nen Jesse. Ag kami ontombuk ed sikato! Lalakin taga Israel, onsempet ti la!”

2 Samuel 20:22

Linmad saray totoo ed siudad tan tinanggoyur to ra, kanyan pinotut day olo nen Seba, insan da imbontuk ed kinen Joab diad biek na padir. Pinaknul toy trumpita a pamataynan tod saray totoo to, kanyan manlapud siudad sinmempet la ra. Pinmawil ed Jerusalem si Joab, insan linmad ari.

2 Saray Arari 14:12

Atalo iray sondalo nen Amasias, kanyan batik iran amin a sinmempet.

2 Saray Arari 8:21

Kanyan linmad Zair si Jehoram ya awit ton amin iray karwahi to. Balet nilakob irad man na saray sondalo na Edom. Diad labi ayarian day sinmelak di Jehoram tan saray pangulo na saray karwahi, et akabatik ira, balet nagsisempet met iray sondalo to.

Probirbio 10:7

Nanunotan a sakey a bindision so toon matonung, balet nalingwanan a tampol so toon maoges.

Deuteronomio 21:20

Saramay ateng ikuandad saramay pangulo, ‘Anawet so olo na sayan anak mi, bangar, tan ag ontoluk ed sikami; mandadarak labat na kuarta tan buanges.’

Deuteronomio 21:21

Insan saray totood siudad tupaken da may anak ya anggad ag to ipatey, et diad ontan napaandi yan kaogsan. Narengelan na amin a totood Israel so agawa et ontakot ira.

Josue 10:27

Diad inselek na agew impaiyepas nen Josue ira may bangkay tan impaibontuk to rad samay ongib ya inamutan da ra may arari. Ankakabaleg a bato so insara da ed sangab na samay ongib, et wadman ni ra ya anggad natan.

Josue 7:26

Tinabunan day ankakabaleg a bato si Acan; wadman ni ra yan bato ya anggad natan. Sikato yay makasengeg a sayan pasen et atawag na Patar na Gunigon. Lapud sayan agawa kinmepa so mapalalon pasnuk na Katawan.

Josue 8:29

Insabit tod tagey na kiew so bangkay to may ari na Ai, tan pinaolyan tod man ya anggad mansironget. Nen onseselek lay agew ingganggan nen Josue ya alaen da, insan impaibantak tod lolooban na siudad. Binontonan da na amayamay a bato a wadman ni ra ya anggad natan.

1 Samuel 4:10

Akilaban iray Filisteo; atalo ray Israelita tan kibatiktik irad kaabungan da. Amayamay a maung so inaatey: talomplon libon Israelitan sondalo so inaatey.