2 Samuel 18:14 - Maung A Balita Biblia

¹⁴ “Ag ko la darakey panaon kod sika,” kuanen Joab. Angalay taloran pika, insan to ra impika ed pagew nen Absalom, nen mabilay nin mambitbitay ed tagey na kiew a robli.

Maung a Balita Biblia

¹⁴ Ag ko la darakey panaon kod sika, kuanen Joab. Angalay taloran pika, insan to ra impika ed pagew nen Absalom, nen mabilay nin mambitbitay ed tagey na kiew a robli.

2 Samuel 18:14 Iomraidhean Croise

2 Samuel 12:10

Natan sirin diad balang kailalakan, pigaran kabyangay boleg mo so napatey diad panamegley na ispada, lapud ag mo ak inonur tan inasawam so asawa nen Urias.

2 Samuel 14:30

Kanyan inkuantod saray aripen to, “Dengel kayo, kaabay na alog ko so alog nen Joab, tan walay tanem ton sibada. Laka yo, ta poolan yo.” Kanyan linma ra tan pinoolan da may alog.

2 Samuel 18:15

Insan samploran sondalo nen Joab so inmasingger tan nilaos dan pinatey.

2 Samuel 18:5

Ingganggan tod kindi Joab, Abisai, tan Itai, “Makasengeg ed siak ag yo papasakitan so malangwer a lakin si Absalom.” Nadngel na amin a sondalo so impangibaga nen David ed sayan ganggan.

2 Samuel 19:1

Nibagad si Joab a panaakisan tan paneermenan nen David si Absalom.

2 Samuel 19:11

Say balitan nipaakar ed sasalitaen na saray Israelita et akasabid kinen Ari David. Kanyan imbaki toy Sadoc tan si Abiatar a papari a manepet ed saray pangulo na Juda, “Akin et sikayo la laingey onur ya ontulong ed pakapawil na ari ed palasio to?

Say Libro nen Job 20:5

anggapoy maoges a toon nambayag so impanliket to.

Saray Salmo 37:35

Aminsan akanengneng ak na toon maoges tan maruksa; singa kiew a sidro ed Libano so panagpaatagey to;

Saray Salmo 45:5

Matdem iray tarem na panam; tuturoken day kapusoan na saray kalaban mo, saray bansa ondadakmomo rad saliyan mo.

Mateo 12:40

No panoy impanayam nen Jonas a taloy agew tan labi ed dalem na eges na balbaleg a sira, ontan met so panayam na Anak na Too a taloy agew tan labi diad dalem na dalin.

1 TESALONICA 5:3

No ikuay totoo, “Mareen tan anggapoy kaatapan,” biglan onsabid sikaray kadederal. Ag ira makaliktar ta say isabi to et singa isabiy panagpasakit na biin magano lan mananak.

Saray Huis 4:21

Mapalaloy inkaksawan nen Sisara, kanyan akaogip na malmalet. Angalay Jael na martilyo tan sakey a palpal na tulda, nankalkalnan nilooban toy Sisara, insan to pinatey diad panamegley na impangipanek ton anggad dalin na samay palpal ed alupising nen Sisara.

Saray Huis 5:26

Binembenan tod sakey a lima to so sakey a palpal na tulda, tan diad sakey a lima say martilyo; minaso tod olo si Sisara, et nabtag so lapis-lapis na olo to; pinanekan toy palpal so alopising to.

Saray Huis 5:31

Ontan pa komun so ipatey na amin a kalaban mo, O Katawan, balet onsinag komun a singa ombubutay ya agew iray kakaarom! Insan nanarin apataploy taon so kareenan ed dalin.