2 Samuel 17:25 - Maung A Balita Biblia

²⁵ Si Absalom insalat toy Amasa ed pasen nen Joab a pangulo na saray sondalo. Si Amasa lakin anak nen Itra ya Ismaelita; say ina to si Abigail ya anak nen Nahas tan agi na ina nen Joab a si Sarvia.)

Maung a Balita Biblia

²⁵ Si Absalom insalat toy Amasa ed pasennen Joab a pangulo na saray sondalo. Si Amasa lakin anak nen Itra ya Ismaelita; say ina to si Abigail ya anak nen Nahas tan agi na ina nen Joab a si Sarvia.)

2 Samuel 17:25 Iomraidhean Croise

2 Samuel 17:26

Si Absalom tan saray Israelita nankampo ra ed dalin na Galaad.

2 Samuel 19:13

Binilin met ira nen David ya ikuandad kinen Amasa, “Kanayon ta ka. Manlapud natan, salatan moy Joab a pangulo na saray sondalo. Pateyen ak komun na Dios no ag ko ya gawaen!”

2 Samuel 19:14

Sarayan salita nen David akapapawil na inkatoor na amin a totood Juda, kanyan impaibaga rad ari ya ompawil la tan amin da ray opisyal to.

2 Samuel 20:4

Inkuan na ari ed kinen Amasa, “Pantitipon mo ray amin a lalakin taga Juda, insan nabwas a sakey pawil ka dia a kaibam ira.”

1 Saray Arari 2:28

Nadngelan nen Joab so agawa. (Tinulongan toy Adonias, balet ag to tinulongan si Absalom.) Kanyan batik ed Masanton Tulda tan pinmeket ed pinagkasaklur na altar.

1 Saray Arari 2:32

Dusaen na Katawan si Joab lapud saraman ya impamatey to ya anggapoy pikakabat nen amak a David. Pinatey nen Joab si Abner a pangulo na saray sondalo na Israel, tan si Amasa a pangulo na saray sondalo na Juda. Pinatey to ran anggapoy kasalanan, anta maung tan matonung ni ra nen say sikato.

1 Saray Arari 2:5

“Wala niy ibagak ed sika. Amtam iman so ginawa nen Joab ed siak nen pinatey to ray duaran pangulo na saray sondalo na Israel a di Abner a lakin anak nen Ner tan Amasa a lakin anak nen Jeter. Amtam no panoy impamatey tod sikara nen panaon na kareenan lapud imbawi tod impamatey da nen panaon na bakal. Pinatey to ray totoon anggapoy kasalanan tan natan siak so natetetel lapud saray ginawa to, tan siak so manaani na saray bungay kaogsan to.

1 Saray Awaran 12:19

Wala ray pigaran sondalon kabyangay tribu nen Manases ya akigampi rad kinen David nen linman mibakal a kaiba to ray Filisteo ed kinen Ari Saul. Diad tuay tua si David ag to tinulongan iray Filisteo, ta pinapawil na saray pangulo ra lapud mapaga ra ompan mantraidor tan migampid Saul a gendat a pangulo to.

1 Saray Awaran 2:13

Pitoray lalakin anak nen Jesse. Manlapud sankapangulowanan ya anggad sankayogtanan sikara yan pito: Eliab, Abinadab, Simea,