2 Samuel 17:16 - Maung A Balita Biblia

¹⁶ Inyarum nen Cusai ya inkuan, “Ganatan yo! Paibaga yod kinen David a diad sayan labi ag ira manaayam ed saray babaliwan ed ilog diad kalawakan, no ag ingen baliwen ton tampol so Jordan, pian sikato tan saray totoo et ag ira naerel tan ag ira napatey.”

Maung a Balita Biblia

¹⁶ Inyarum nen Cusai ya inkuan, Ganatan yo! Paibaga yod kinen David a diad sayan labi ag ira manaayam ed saray babaliwan ed ilog diad kalawakan, no ag ingen baliwen ton tampol so Jordan, pian sikato tan saray totoo et ag ira naerel tan ag ira napatey.

2 Samuel 17:16 Iomraidhean Croise

2 Samuel 15:14

Kanyan inkuanen David ed saray opisyal ton kaiba tod Jerusalem, “Nakaukolan ya ontaynan tayon tampol no labay tayon nibatikay Absalom! Ganatan yo! Ta ag mabayag onsabi la, taloen to itayo, tan pateyen to ray amin a walad siudad!”

2 Samuel 15:28

Manalagar ak ed saray babaliwan ed ilog diad kalawakan, anggad pakapasabik na balitan manlapud sika.”

2 Samuel 15:35

Wadman ira di paparin Sadoc tan Abiatar; ibagam ed sikara so antokaman a narengel mod palasio.

Saray Salmo 35:25

Ag mo pa iyaabuloy a nibaga rad sikaran dili, “Satan imay labay min nagawa! Tinalo min siansia!”

Saray Salmo 55:8

Aporaen koy mananap na siruman ko, pian naliktaran koy mabiskeg a dagem tan say bagyo.”

Saray Salmo 56:2

Sanagew a dodogpaan ak na saray onsusumpad siak. Agaylay karakel na onlalaban ed siak.

Saray Salmo 57:3

Manlapud tawen ebatan to ak tan ilaban to ak; taloen to ray mamapairap ed siak. Ipanengneng na Dios ed siak so ag mangoman a panangaro to tan say inkatoor to.

1 CORINTO 15:54

No asalatan lay ag naboluk so naboluk tan asalatan lay ag ompatey so ompatey, napatwa lad satay ibabagay Masanton Sulat: “Aderal so Patey, nagnap lay pananalo!”

2 CORINTO 5:4

Ta diad panaayam tid sayan tulda, say laman a mangaraldalin, manngesnges itayod kairapan aliwan lapud labay ti lan naandi yan laman a mangaraldalin, no ag ingen labay ti lan nasalatan na mangatatawen a laman. Diad ontan, say laman tayon ompatey et nasalatan na bilay ya andi-anggaan.

1 Samuel 20:38

Ag kad tan labat manalalagey! Ganatan mo!” Inala na samay ogaw imay pana tan pinmawil ed kinen amo to.