2 Samuel 17:14 - Maung A Balita Biblia

¹⁴ Inkuanen Absalom tan amin da ray Israelita, “Maung so simbawa nen Cusai nen si Ahitofel.” Ginetma na Katawan ya ag natombuk so maung a simbawa nen Ahitofel, pian walay maoges ya onsabi ed kinen Absalom.

Maung a Balita Biblia

¹⁴ Inkuanen Absalom tan amin da ray Israelita, Maung so simbawa nen Cusai nen si Ahitofel. Ginetma na Katawan ya ag natombuk so maung a simbawa nen Ahitofel, pian walay maoges ya onsabi ed kinen Absalom.

2 Samuel 17:14 Iomraidhean Croise

Genesis 32:28

Inkuanto may too, “Aliwa lan Jacob so ngaran mo. Akibalsakan kad Dios tan saray totoo, et analo ka; kanyan Israel la so ngaran mo.”

2 Samuel 15:31

Nen nibagad kinen David a si Ahitofel et akikomplut ed kinen Absalom, nampikasi, “Pikasik ed sika, Katawan, a pagmaliw mon andi-kakanaan so simbawa nen Ahitofel!”

2 Samuel 15:34

balet natulongan mo ak no ompawil kad siudad tan no ibagam ed kinen Absalom a matoor kan manlingkur ed sikato a singa impanlingkur mod kinen ama to. Gawam met so anggaay nayarian mon manumlang ed antokaman a simbawa nen Ahitofel.

2 Samuel 16:23

Diad saraman a panaon, amin a simbawa nen Ahitofel et nipapasen a singa dilin salita na Dios; tinotombuk ira nen David tan si Absalom.

2 Saray Awaran 10:15

Say Katawan a Dios so akanlinawa a si Roboam et ipolisay toy kerew na saray totoo, pian napatwa so imbaga tod kinen Jeroboam diad panamegley nen propita Ahias a taga Silo. Sikato yay makasengeg ya ag dinengel na ari iray totoo.

2 Saray Awaran 10:8

Balet ag dinengel nen Roboam so simbawa ra. Ingen, linmad saray lalakin binmaleg a kaiba to a sikaray sumisimbawa to la natan.

2 Saray Awaran 25:16

Tinepet nen Amasias, “Kapigan lay impanggawa mid sikan sumisimbawa na ari? Tonda ka lan mansalita, ta no andi papatey ta ka!” Tinmonda may propita kayari ton inkuan, “Amtak la natan a ginetma lay Dios a deralen to ka, lapud ginawam ira yan amin tan ag mo dinengel so simbawak.”

2 Saray Awaran 25:20

Balet ag dinmengel si Amasias. Linawa na Dios a natalo si Amasias, lapud inggalang to ray talintaoy diriyos na saray Edomita.

Nehemias 4:15

Nadngelan na saray kalaban mi a naamtaan miy pankokomplut da kanyan abirbir dan say Dios et ginawa ton andi-kakanaan iray plano ra. Insan pinmawil kamin amin a nankimey ed padir.

Say Libro nen Job 12:17

Eekalan toy kakabatan iray manoley, tan pagmamaliwen ton singa makulang-kulang iray pangulo.

Saray Salmo 9:15

Saray ag manisiad Dios napepelag irad abut a kinotkotan da; naeerel irad patit ya inlira da.

Saray Salmo 9:16

Impaamtay Katawan so sikaton dili diad panamegley da ray matonung a pananintinsia to, tan apatitan iray maoges a totoo ed dilin gawgawa ra.

Exodo 9:16

Balet inabuloyan ta ka nin mambilay, ta labay kon ipanengneng ed sika so pakapanyarik, et diad ontan nikayat ed intiron mundo so dayew ko.

Probirbio 19:21

Nayarin mamplano na amin a bengatla iray totoo, balet say linawa na Katawan so nasumpal.

Probirbio 21:30

Anggapoy kakanaay kakabatan, pakatalus, tan say pakaamta na too, no sumpa so Katawan ed sika.

Isaias 8:10

Mamplano kayo, balet ag kayo mampalabo. Tongtong yo lay labay yon tongtongen, balet andi-kakanaan ya amin iray tongtongen yo, lapud walad sikami so Dios.

Saray Tagleey 3:37

Say linawa labat na Katawan so nasusumpal.

Amos 9:3

No onamut irad toktok na Palandey na Carmelo, anapen ko ra et erelen ko ra. No iyamutan da ak ed dalem na dayat, iganggan koy dragon ed dayat ta ketketen to ra.

Lucas 16:8

Samay amo indayew to yan masaol ya inkargado lapud kinasilib to. Ta lalon marunong ni ray minumundon totoo ed pipiolup dad saray kapara ran minumundo nen saray ontotombuk ed Dios.”

1 CORINTO 3:19

Ta say kakabatan na sankamundoan, kakulang-kulangan ed arap na Dios. Onung na ibabagay Masanton Sulat, “Erelen na Dios iray makabat diad panamegley na dilin silib da.”

Deuteronomio 2:30

“Balet ag itayo inabuloyan nen Ari Sehon ya ondalan ed dalin to. Impagmaliw na Katawan a Dios yo ya anawet so puso to tan mananumlang, pian taloen tayo tan naala tayoy dalin to, say dalin a panaayaman tayo ni ya anggad natan.

Josue 11:20

Say Katawan so amaawet na kapusoan da pian ag ira onsener a mibakal ed saray Israelita, kanyan sigput iran naderal tan napatey ya andi-panangasi. Sikato ya so ingganggan na Katawan ed kinen Moises.