2 Samuel 17:10 - Maung A Balita Biblia

¹⁰ Diad satan anggan saray sankasebegan a totoo, ya anggapoy takot da a singa saray lion, et ontakot ira, ta amta na amin a totood Israel a matalonggaring a sondalo si amam tan maung a mibakal iray totoo to.

Maung a Balita Biblia

¹⁰ Diad satan anggan saray sankasebegan a totoo, ya anggapoy takot da a singa saray lion, et ontakot ira, ta amta na amin a totood Israel a matalonggaring a sondalo si amam tan maung a mibakal iray totoo to.

2 Samuel 17:10 Iomraidhean Croise

Genesis 49:9

Si Juda et singa lion. Papateyen to ray labay ton pateyen, insan ompapawil ed balaung to. Maninat-inat tan mandokul-dokul. Anggapoy makakpel a manigensigen ed sikato.

2 Samuel 1:23

“Saul tan Jonatan, pinabli tan inararo; sankaibad bilay, sankaibad patey. Maples ira nen saray agila, mabiskeg ira nen saray lion.

2 Samuel 17:9

Nayarin manaamut natan ed ongib odino diad arum a pasen. Diad oras a dogpaan nen David iray totoom et nabalitaan na anggan siopa, ibaga ton atalo ray totoom.

2 Samuel 23:20

Say lakin anak nen Joiada a si Benaya a taga Cabseel et sakey met nin bantug a sondalo; wala ray ginagawa ton makapakebiew. Pinatey toy duaran matalonggaring a bumabakal a taga Moab. Aminsan ya agew ya ambetebetel, linma ed dalem na ongib tan pinatey toy sakey a lion.

Saray Salmo 89:19

Diad sakey a payawar nen saman, imbagam ed saray matoor a managlingkur mo, “Tinulongan koy sakey a bantug a sondalo; inter koy trono ed pinilik ed saray totoo.

Exodo 15:15

Ataktakot iray pangulo na Edom; manggiwgiw iray makapanyarin totoo na Moab; nakalan na biskeg na linawa iray Cananeo.

Probirbio 28:1

Ombabatik iray totoon maoges anggaman ya anggapoy onoosil ed sikara, balet saray totoon maptek so panagbilay da masebeg ira a singa lion.

Kanta nen Solomon 3:7

Onsasabiy Solomon; sankasakbat dad trono to; anemaplon sondalo so mangguaguardiad sikato; sankamaungan ira yan sondalo ed Israel.

Isaias 13:7

Nalaylay iray amin a taklay, tan ombetel so linawa na balang sakey a too.

Isaias 19:1

Sikato yay propisiya a nipaakar ed Egipto. Akalogan ed lorem so Katawan tan maples a mamapaarap ed Egipto. Manggiwgiw ed arap to iray talintaoy diriyos na Egipto, tan nanaekalan na biskeg na linawa iray Egipsio.

Ezekiel 21:15

Patalawen to ray totook tan tumbaen to ra. Say ispadan mankidyam a singa kirmat tan akaparaan a mamatey so pamapatakot kod siudad da.

Deuteronomio 1:28

Akin et onla tayod man, anta antakot itayo. Saramay imbaki tayo et kuandan mabiskeg tan atagey ni ray totood man nen say sikatayo, tan manaayam irad saray siudad ya anggad tawen iray padir da. Akanengneng irad man na saray alan!’

Saray Hebreo 11:34

ineerep day manliub ya apoy, tan nililiktaran day ipapatey ed ispada. Kinmakapoy ira, balet nagmamaliw iran mabiskeg; makapanyari rad bakal tan tinatalo da ray sondalo na saray arum a bansa.

1 Samuel 16:18

Inkuan na sakey ed saray managlingkur to, “Si Jesse a taga Betlehem et walay anak ton laki a maung a manogtog. Masebeg met tan guapon laki, maung a sondalo, tan maung a manalita. Walad sikato so Katawan.”

1 Samuel 18:17

Insan inkuanen Saul ed kinen David, “Niay Merab, say anak kon sankapangulowanan a bii. Iter kod sikan asawaen mo, dapot no masebeg tan matoor kan sondalo a manlingkur ed siak, tan milaban kad saray bakal na Katawan.” (Ginawa ya nen Saul, ta abaloan ton diad onya napatey na saray Filisteo si David, et aliwa lan sikaton dili so mamatey.)