2 Samuel 16:3 - Maung A Balita Biblia

³ “Kawalaan nen Mefiboset ya apo nen katawan mon Saul?” tepet na ari ed sikato. Inmebat si Siba, “Manaayam ed Jerusalem, ta sisiaen to ya ipawil natan na saray Israelita ed sikato so nanarian na laki ton si Saul.”

Maung a Balita Biblia

³ Kawalaan nen Mefiboset ya apo nen katawan mon Saul? tepet na ari ed sikato. Inmebat si Siba, Manaayam ed Jerusalem, ta sisiaen to ya ipawil natan na saray Israelita ed sikato so nanarian na laki ton si Saul.

2 Samuel 16:3 Iomraidhean Croise

2 Samuel 16:4

Inkuan na ari ed kinen Siba, “Kien mo lay amin a kayaryan nen Mefiboset.” “Siak so aripen mo,” ebat nen Siba. “Maabig lawas komun so linawam ed siak, Kagalang kon Ari!”

Saray Salmo 101:5

Paarawien koy siopaman a beneg-benegan a mamapaoges ed kapara ton too; ag ko anosan so too a mapaatagey tan malastug.

Saray Salmo 15:3

tan ag to papaogesey kapara ton too. Ag manggagaway maoges ed saray kakaaro to, tan ag mangikakayat na tila nipaakar ed kapara ton too.

Saray Salmo 88:18

Tinanggoyur mon ikaindan ak na saray malmalet a kakaarok; bilonget labat so akeraan a kaibak.

Exodo 20:16

“Ag ka mantitila no mantasi ka sumpad kaparam a too.

Probirbio 1:19

Say tulisan pateyen na inkatulisan to—onyay pansumpalan na siopaman a toon mambibilay onung ed inkaruksa to.

Probirbio 21:28

Ag napanisiaan so panagtasi na toon matila, balet napanisiaan so siopaman ya aralem so pannununot tod bengatla.

Mikias 7:5

Ag yo sisigsiaen so kaabay yo odino panmamatalkan so kaaro yo. Alwaran yoy ibabagayo ed anggan dilin asawa yo.

Judas 1:11

Makapasinagem so pansumpalan da, ta inalig day ginawa nen Cain! Lapu labat ed kuarta, inalig day lingon ginawa nen Balaam. Sinumlang day Dios, a singa ginawa nen Core, kanyan adusa ra met a singa sikato.