2 Samuel 16:22 - Maung A Balita Biblia

²² Kanyan nanggawa ray tulda a para si Absalom diad toktok na palasio, tan diad pakanengneng na amin a totoo linmoob si Absalom tan akiakdul ed saray bibiin inamung nen ama to.

Maung a Balita Biblia

²² Kanyan nanggawa ray tulda a para si Absalom diad toktok na palasio, tan diad pakanengneng na amin a totoo linmoob si Absalom tan akiakdul ed saray bibiin inamung nen ama to.

2 Samuel 16:22 Iomraidhean Croise

Genesis 35:22

Nen manaayam si Jacob ed saman a pasen, inakdulan nen Ruben si Bilha, sakey ed saray asawan inamung nen ama to. Nadngelan nen Jacob, et mapalaloy pasnuk to. Labinduan amin iray lalakin anak nen Jacob.

2 Samuel 11:2

Aminsan ya agew, nen ngarngarem la, binmangon si David ed pampapainawa to, insan linmad toktok na palasio. Diad panaakar-akar tod man akanengneng na sakey a biin manaames ed abung. Magangganan maung yan bii.

2 Samuel 15:16

Kanyan tinmaynan so ari a kaiba to ray amin a kabyangay pamilya to tan saray opisyal to, likud ed saray samploran asawa to a pinatilak to ran mangasikasoy palasio.

2 Samuel 20:3

Kasabi nen David ed palasio tod Jerusalem, inala to ra may samploran iyaamung ton bibii ya intilak to ran manasikasoy palasio, insan to ra impabantayan. Initdan to ray pambilay da, balet ag to la ran balut inakdulan. Apokuk ira legan na impanbilay da; nambilay iran singa saray balo.

Isaias 3:9

Nisingil ed sikara so panaglabi ra. Maparontal iran mankakasalanan a singa impankasalanan na saray totood Sodoma. Pangaskasiyan ira. Sikara met ni lamlamang so nanlapwan na pakadusa ra.

Jeremias 3:3

Sikato yay makasengeg no akin et ag onoran, tan anggan panaon lay nepnep et anggapo niy napelag ya oran. Singa marotak a bii so nengneng mo; anggapoy kababaingan mo.

Jeremias 8:12

Totook, ambaing kayo kasi lapud ginagawa yo ra yan makapaingungot a bengatla? Andi! Anggapon balut so baing yo; ag anggan ombabalangay lupa yo! Kanyan natumba kayo a singa impakatumbay arum; no dusaen ta kayo, samput yo la. Siak, say Katawan, so nansalita.

Ezekiel 24:7

Walay impanpapatey na too ed siudad, balet aliwan diad dalin so akaibungan na dala a komun natabunan na dabuk; dia ingen ed tapew na baton-dampay so akaibungan to.

Saray Bilang 25:6

Aminsan walay sakey ya Israelitan angawit ed dalem na tulda to na sakey a biin Madianita, legan a sankanengneng nen Moises tan amin ya Israelita a wala rad lolooban na Tuldan Ayamay Katawan ta maneermen ira.

FILIPOS 3:19

Kaderalay pansumpalan da, ta gagawaen dan diriyos da ray pilalek na laman da. Say nepeg da komun ya ibaing so ipapasirayew da, tan saray mangaraldalin a bengatla so nununoten da.