2 Samuel 16:21 - Maung A Balita Biblia

²¹ Inmebat si Ahitofel, “Laka, ta akdulan mo ray bibiin inamung nen amam ya intilak to ran manasikasod palasio. Diad ontan, nakabatan na intiron Israel a bobosulen ka nen amam, tan napabiskeg so linawa da ray totoom.”

Maung a Balita Biblia

²¹ Inmebat si Ahitofel, Laka, ta akdulan mo ray bibiin inamung nen amam ya intilak to ran manasikasod palasio. Diad ontan, nakabatan na intiron Israel a bobosulen ka nen amam, tan napabiskeg so linawa da ray totoom.

2 Samuel 16:21 Iomraidhean Croise

Genesis 34:30

Inkuanen Jacob ed kindi Simeon tan Levi, “Initdan yo ak na gunigon; natan bosulen ak na saray Cananeo, saray Perezeo, tan amin iray wadyad sayan pasen. Dagdaiset iray totook; no mankakasakey iran amin, insan da ak labanan, ompatey so intiron pamilya tayo.”

Genesis 35:22

Nen manaayam si Jacob ed saman a pasen, inakdulan nen Ruben si Bilha, sakey ed saray asawan inamung nen ama to. Nadngelan nen Jacob, et mapalaloy pasnuk to. Labinduan amin iray lalakin anak nen Jacob.

Genesis 38:16

Inasinggeran tod gilig na dalan tan inkuanto, “Gala, ta paliket mo ak.” (Ag to amta a si Tamar iman a manugang to.) Inkuanto may bii, “Antoy iter mod siak?”

Genesis 6:4

Diad saraman ya agew, tan anggan diad saray ontombuk, wala ray alan a manaayam ed dalin ya anak ira na saramay magangganan bibii tan saramay anak na Dios. Sikaray matalonggaring a bayani tan bantug a lalaki nen saman a panaon.

2 Samuel 10:6

Abirbir na saray Ammonita ya agawa ran kalaban si David, kanyan angupa ray duamplon libon Sirianon sondalo a taga Bet-rehob tan Soba, labinduan libon lalaki a taga Tob, tan say ari ed Maaca a kaiba to ray sanlibon totoo to.

2 Samuel 12:11

Tandaan mo, dagdagen ko a manngunigon ed sika so sakey a kabyangay pamilyam. Naimatunan mo ya, no alaen ko ray asawam insan ko ra iter ed sakey a laki; akdulan to ra ya anggan agew.

2 Samuel 13:5

Inkuanen Jonadab ed sikato, “Mansakit-sakitan ka tan dokul ka. No laen to ka nen amam a nengnengen, ikuan mod sikato, ‘Ibaki yo pa diay agik a Tamar, ta pakanen to ak. Labay kon nanengneng ya iparaanan to ak dia na tinapay, insan to ak pakanen.’”

2 Samuel 15:16

Kanyan tinmaynan so ari a kaiba to ray amin a kabyangay pamilya to tan saray opisyal to, likud ed saray samploran asawa to a pinatilak to ran mangasikasoy palasio.

2 Samuel 16:20

Insan inmarap ed kinen Ahitofel si Absalom tan kuanto, “Natan ta wadya itayo la, antoy isimbawam a gawaen tayo?”

2 Samuel 17:7

Inmebat si Cusai, “Say simbawa natan nen Ahitofel et aliwan maung.

2 Samuel 2:7

Mampabiskeg tan mampasebeg kayo! Inatey lay ari yon Saul, tan saray totood Juda et nilanaan da ak a manari ed sikara.”

2 Samuel 20:3

Kasabi nen David ed palasio tod Jerusalem, inala to ra may samploran iyaamung ton bibii ya intilak to ran manasikasoy palasio, insan to ra impabantayan. Initdan to ray pambilay da, balet ag to la ran balut inakdulan. Apokuk ira legan na impanbilay da; nambilay iran singa saray balo.

1 Saray Arari 11:25

Kalaban na Israel si Rezon legan a mabilay si Solomon.

1 Saray Arari 2:17

Inmebat, “Kerew mo pad Ari Solomon ya iter ton asawak si Abisag a taga Sunem. Amtak ya ag to ka pabaingan.”

1 Saray Arari 2:22

“Akin et kekerewen yon iter kod sikatoy Abisag?” tepet na ari. “Kerew yo met ni laingen ya iter ko met ed sikatoy trono. Andi-bali ta sikatoy pangulowan ko, tan walad diking to si Abiatar a pari tan si Joab!”

Levitico 18:8

Ag yo ipepelag ed kababaingan so amam lapud piakdul mod siopaman ya asawa to.

Levitico 20:11

Say lakin miakdul ed sakey ed saray asawa na ama to ipelag tod kababaingan so ama to, tan sikato tan say biin akiakdulan to et nepeg iran pateyen. Sikaran dili so makasengeg na ipatey da.

Zacarias 8:13

Sikayo ran totood Juda tan Israel! Nen saman saray sangkaili mansasambaan ira ya ikuandad sakey tan sakey, ‘Ondapo met komun ed sika so deral a singa samay deral a dinmapo ed Juda tan Israel!’ Balet ilaban ta kayo, insan saraman a sangkaili ikuandad sakey tan sakey, ‘Nagamuran mo met komun so bindision a singa samay bindision ya agamuran na Juda tan Israel!’ Kanyan pabiskeg yoy linawa yo, ag kayo ontatakot.”

1 CORINTO 5:1

Nibabalitan walay inmoralidad a nagagawa ed sikayo, gawan sankabandayan a tuloy tan ag gagawaen na anggan saray Hintil. Nibabalitad siak ya iyaamung na sakey ed sikayo so asawan pidwa na ama to!

1 Samuel 13:4

Abalitaan na amin ya Israelita a pinatey nen Saul so pangulo na saray sondalo na Filistia tan kabosul iray Filisteo. Kanyan diad impakadngel na saray totoo ed tawag, akitipon irad kinen Saul diad Gilgal.

1 Samuel 27:12

Balet nanmatalek si Akis ed kinen David, tan kuantod sikaton dili, “Kabosul a maung na saray dilin totoo ton Israelita, kanyan manlingkur ed siak legan ton mambilay.”