2 Samuel 16:16 - Maung A Balita Biblia

¹⁶ Nen si Cusai ya Arkita tan kaaro nen David et nabet toy Absalom, ineyag to, “Andokey komun so bilay na ari! Andokey komun so bilay na ari!”

Maung a Balita Biblia

¹⁶ Nen si Cusai ya Arkita tan kaaro nen David et nabet toy Absalom, ineyag to, Andokey komun so bilay na ari! Andokey komun so bilay na ari!

2 Samuel 16:16 Iomraidhean Croise

2 Samuel 15:32

Kasabi nen David ed toktok na pokdul a kawalaay pasen na panangigalangan ed Dios, inabet nen Cusai ya arkita ya apilat so kawes to tan walay dabuk na olo to.

2 Samuel 15:34

balet natulongan mo ak no ompawil kad siudad tan no ibagam ed kinen Absalom a matoor kan manlingkur ed sikato a singa impanlingkur mod kinen ama to. Gawam met so anggaay nayarian mon manumlang ed antokaman a simbawa nen Ahitofel.

2 Samuel 15:37

Kanyan pinmawil ed siudad si Cusai a kaaro nen David nen onsasabi lay Absalom.

1 Saray Arari 1:25

Diad sayan agew, linman angibagat si Adonias na amayamay a baka, karniro, tan pinataban kilaw na baka, tan binagaan to ray lalakin anak mo, si Joab a pangulo na saray sondalom tan si Abiatar a pari. Diad sayan bekta, kaiba ran manaakan tan maniinom tan iyeeyag na saray kakaiba to, ‘Andokey komun so bilay nen Ari Adonias!’

1 Saray Arari 1:34

Sikayon dua, Sadoc tan Natan, so manlana ed kinen Solomon a manari ed Israel. Insan yo paknulen so trumpita tan iyeyag yo, ‘Andokey komun so bilay nen Ari Solomon!’

1 Saray Arari 4:5

Say manona ed saray gobirnador na distrito: si Asarias a lakin anak nen Natan Say sumisimbawa na ari: si Zabud a pari tan anak nen Natan

2 Saray Arari 11:12

Insan impaway nen Joiada si Joas, kinoronaan to tan inter tod sikato ray ganggan a nipaakar ed panari. Alanaan tan nibawag a manari si Joas. Nantitipak iray totoo tan ineeyag da, “Andokey komun so bilay na ari!”

Daniel 2:4

Inmebat irad ari diad salitan Aramaica, “Mansiansia komun a mambilay so Kagalang ya Ari! Ibagam ed sikami so kogip mo, et ipaliwawa mid sika.”

Daniel 5:10

Nadngel na riynan ina so impaneyag na ari tan saramay manonan opisyal, kanyan linmoob ed kawalaan na ponsia. Inkuanto, “Mambilay ya anggad angga so Kagalang ya Ari! Ag ka mapaga tan ag mo pampopotiay bosaleg.

Daniel 6:21

Inmebat si Daniel, “Mambilay komun ya anggad angga so Kagalang ya Ari!

Daniel 6:6

Kanyan linma rad ari tan inkuanda, “Mambilay komun ya anggad angga so Kagalang ya Ari Dario!

Mateo 21:9

Ineeyag na saray totoon walad onaan tan saray walad onur nen Jesus, “Hosanna ed Anak nen David! Bindisionan komuy Dios so onla dia ed ngaray Katawan! Nagalang komuy Dios a Sankatageyan!”

1 Samuel 10:24

Inkuanen Samuel ed saray totoo, “Nia so toon pinili na Katawan! Anggapoy mipara ed sikato.” Inmeyag iray amin a totoo, “Andokey komuy bilay na ari!”