2 Samuel 16:12 - Maung A Balita Biblia

¹² Angangko imanoen na Katawan so pangaskasiyan a kipapasen ko, et itdan to ak na saray bindision ya onsalat ed sayan panaayew to.”

Maung a Balita Biblia

¹² Angangko imanoen na Katawan so pangaskasiyan a kipapasen ko, et itdan to ak na saray bindision ya onsalat ed sayan panaayew to.

2 Samuel 16:12 Iomraidhean Croise

2 Samuel 16:13

Kanyan intuloy nen David tan saray totoo to so kurang da. Tinmombuk si Simei, tan diad gilig na pokdul so dinalan to; legan ton manaakar inaagew to ra tan tinutupak to ra na bato tan dabuk.

2 Saray Arari 19:4

Imbaki na impirador na Asiria so manonan opisyal to ya amabaing ed mabilay a Dios. Nadngel komun na Katawan a Dios mo ira man a panamabaing tan dusaen to may nansalita. Kanyan ipikasim pad Dios iray nakdaan a totoo tayo.”

Saray Salmo 10:14

Balet nanaimatunan mo; nanaimanom so kairapan tan say kaermenan, et sipaparaan ka lawas ya ontulong. Say pakaskasin too imamatalek toy sikaton dili ed sika; tulongan mo lawas iray mankakaukolan.

Saray Salmo 109:28

Nayarin isamba da ak, balet bindisionan mo ak. Natalo komun iray mamapairap ed siak, tan siak a managlingkur mo et manliket ak komun.

Saray Salmo 132:1

Katawan, nunot mo pay David tan amin ya intepel ton kairapan.

Saray Salmo 25:18

Imanom pay segsegan tan kairapan ko, tan pirdonam pa ray amin a kasalanan ko.

Probirbio 25:22

Diad kababaingan to singa ipapaagtom so ngalab ed olo to, et tumangan ka na Katawan.

Probirbio 26:2

Ag ka napasakitan na saray samba no ag mo ra kanepegan. Singa ra manok ed tagey ya ontitikyab balet ta ag ondapo.

Isaias 27:7

Say impanusa na Katawan ed Israel et aliwan mapalalon singa say impanusa tod saray kalaban to. Daiset iray apatey a totoo to nen saray apatey a kalaban to.

Joel 2:14

Angangko mangoman a kanunotan so Katawan a Dios yo tan bindisionan to kayo na daakan iran bungay tanaman. Diad satan nayarian yoy mangibagat ed sikato na trigo tan alak.

Saray Taga Roma 8:28

Amta tayo a diad amin a bengatla gagawaen na Dios so pankaabigan na amin da ray mangaarod sikato, a salanti saray tinawag na Dios onung ed linawa to.

2 CORINTO 4:17

Sayan daiset tan ag magnayon a kairapan a sasakbaten mi et mambungay baleg, magnayon, tan ag miparan kagalangan.

Deuteronomio 23:5

Balet say Katawan a Dios yo et ag to dinengel si Balaam; impagmaliw to ni ingen a bindision imay samba, lapud inaro to kayo.

Deuteronomio 23:6

Legan a sakey kayon bansa, ag yon balut tutulongan ira man a bansa o papaaligwasen ira.

2 TESALONICA 1:7

Sikayo ran mantetepel na kairapan, kaiba mi kayon naitday inawa, diad isabiy Katawan tayon Jesus a manlapud tawen tan kaiba to ray makapanyarin anghil to.

Saray Hebreo 12:10

Dinudusa itayon agano na saray mangaraldalin ya ama tayo, ta inisip dan kamaungan ya. Balet dudusaen itayoy Dios para kamaungan ti lamlamang, pian minabang tayod kasantosan to.

1 Samuel 1:11

Si Ana nanggaway sipan a sinambaan to: “Katawan a Makapanyarin-amin, no imanoen mo ak ya aripen mon pangaskasiyan, no nonuten mo ak, ag mo ak lingwanan, tan itdan mo ak na anak a laki, isaklang kod sika legan a mabilay tan ag kon balut pakatlian.”