2 Samuel 16:11 - Maung A Balita Biblia

¹¹ Insan inkuanen David ed kinen Abisai tan saray amin ya opisyal to, “No say dilin anak ko et labay to ak a pateyen, ag kasi nagkalalo ed satan a Benjaminita? Imbaga na Katawan a manayew; kanyan paolyan yon gawaen to.

Maung a Balita Biblia

¹¹ Insan inkuanen David ed kinen Abisai tan saray amin ya opisyal to, No say dilin anak ko et labay to ak a pateyen, ag kasi nagkalalo ed satan a Benjaminita? Imbaga na Katawan a manayew; kanyan paolyan yon gawaen to.

2 Samuel 16:11 Iomraidhean Croise

Genesis 15:4

Arengel to lamet ya inkuan na Katawan, “Ag tawiren nen Eliezer ya aripen mo iray kayaryan mo; say dilin anak mo so manawir.”

Genesis 45:5

Ag kayo mapaga tan ag yo tetetelen so sikayon dili lapud inlako yo ak dia. Ta say Dios so angibakid siak dia ya onaan nen say sikayo, pian mambilay iray totoo.

2 Samuel 20:1

Nibanan wadman ed Gilgal so sakey a toon andi-kakanaan a si Seba a lakin anak nen Bicri, tan kabyangan na tribu nen Benjamin. Pinaknul toy trumpita tan ineyag to, “Anggapoy pibabali mid kinen David ya anak nen Jesse. Ag kami ontombuk ed sikato! Lalakin taga Israel, onsempet ti la!”

2 Samuel 7:2

Insan inkuan na ari ed kinen propita Natan, “Wadya ak a manaayam ed abung a sidro, balet say Kaban na Sipanan na Dios et akasinup labat ed dalem na sakey a tulda!”

2 Saray Arari 19:37

Aminsan ya agew, nen mangigagalang si Senakerib ed dalem na timplo na dios ton Nisroc, saray duaran anak ton lalaki a di Adramelec tan Sarezer, pinatey dad ispada, insan batik irad dalin na Ararat. Sakey ed saray anak to a si Esarhadon so sinmalat ed sikaton nanoley.

2 Saray Awaran 32:21

Say Katawan angibaki na sakey ya anghil ya amatey ed saray masesebeg a sondalo tan saray opisyal na saray sondalo na Asiria. Naplag ed kababaingan a pinmawil ed Asiria so impirador. Aminsan ya agew nen sikatoy walad timplo na dios to, pinatey na pigaran anak ton lalaki diad panamegley na ispada.

Saray Salmo 109:28

Nayarin isamba da ak, balet bindisionan mo ak. Natalo komun iray mamapairap ed siak, tan siak a managlingkur mo et manliket ak komun.

Ezekiel 14:9

“No apalikdo so sakey a propita diad pangiter toy tilan ebat, siak a Katawan so amalikdod sikato. Sikatoy ekalen kon kabyangan na saray totood Israel.

Ezekiel 20:25

“Insan ko ra initdan na makapoy a bilin tan saray ganggan ya ag makapangiter na bilay.

Mateo 10:21

“Papatey na saray totoo iray agagi ran dili. Papatey na saray kaamaan iray anak da; ontan met a labanan tan papatey na saray anak iray atateng da.

1 Samuel 26:19

Dengel mo pay ibagak, O ari. No say Katawan so anagdag ed sika a sumpaen mo ak, sakey a bagat komuy makaoman na kanunutan to; balet no totooy anagdag, isamba ra komun na Katawan. Pinataynan da ak manlapud dalin na Katawan tan apasoot ak a manayam ed sakey a bansa a saray diriyos to labat so nayarian kon igalang.