2 Samuel 15:8 - Maung A Balita Biblia

⁸ Nen manaayam ak ed Gesur, diad Siria, insipan kod Katawan a no papawilen to ak ed Jerusalem, igalang ko ed Hebron.”

Maung a Balita Biblia

⁸ Nen manaayam ak ed Gesur, diad Siria, insipan kod Katawan a no papawilen to ak ed Jerusalem, igalang ko ed Hebron.

2 Samuel 15:8 Iomraidhean Croise

2 Samuel 14:23

Kanyan pinmikal si Joab, linmad Gesur tan pinapawil tod Jerusalem si Absalom.

2 Samuel 14:32

Inmebat si Absalom, “Ag ka ondago nen impatawag ta kan onla dia, pian nibaki ta kad ari ya ontepet diad ngaran ko: ‘Akin et tinaynan ko niy Gesur tan linma ak dia? Maung la laingen no ag ak inmalis diman.’” Intuloy nen Absalom so nansalita, “Gawam so polaing a pakapitongtong kod ari, tan no walay kasalanan ko, papatey mo ak ed sikato.”

2 Samuel 15:9

Inkuan na ari, “Lakan walay kareenan.” Linma sirin ed Hebron si Absalom.

2 Samuel 3:3

Kileab, a say ina to et si Abigail a balo nen Nabal a taga Carmel; Absalom, a say ina to et si Maaca ya anak nen Ari Talmai a taga Gesur;

Saray Salmo 56:12

O Dios, sumpalen koy insipan kod sika; isaklang kod sikay bagat kon pisasalamat,

Ecclesiastes 5:4

Kanyan no mansipan ka ed Dios, ganatan mon sumpalen. Aliwan makapaliket ed sikato so toon makulang-kulang. Sumpal mo so insipan mon gawaen.

Isaias 28:15

Ipapanta yo ya akisipanan kayo ed patey tan akipaknaan kayod pasen a panaayaman da ray inaatey. Ag yo panduaduarowaan a napaliisan yoy deral no onsabi, lapud manmamatalek kayo ya iyagel kayo na saray tila tan saray palikdo.

Jeremias 42:20

ta satay kalingo yo et mambunga na ipatey yon amin. Kinerew yod siak ya ipikasi ta kayo ed Katawan a Dios tayo, tan insipan yo a gawaen yoy amin ya ingganggan to.

Josue 24:15

No ag yo labay a panlingkuran so Katawan, mampili kayo natan no siopay panlingkuran yo, saray diriyos ya inggagalang na saray lalaki yo ed Mesopotamia odino saray diriyos da ray Amorreo a panaayaman yo natan so dalin da. Para say siak tan say pamilyak, panlingkuran mi so Katawan.”

1 Samuel 1:11

Si Ana nanggaway sipan a sinambaan to: “Katawan a Makapanyarin-amin, no imanoen mo ak ya aripen mon pangaskasiyan, no nonuten mo ak, ag mo ak lingwanan, tan itdan mo ak na anak a laki, isaklang kod sika legan a mabilay tan ag kon balut pakatlian.”

1 Samuel 16:2

“Panoy panggawak ed satan?” tepet nen Samuel. “No narengelan nen Saul, pateyen to ak!” Inmebat so Katawan, “Mangawit kay kilaw a baka tan ibagam a wadman kan mangibagat ed Katawan.