2 Samuel 15:31 - Maung A Balita Biblia

³¹ Nen nibagad kinen David a si Ahitofel et akikomplut ed kinen Absalom, nampikasi, “Pikasik ed sika, Katawan, a pagmaliw mon andi-kakanaan so simbawa nen Ahitofel!”

Maung a Balita Biblia

³¹ Nen nibagad kinen David a si Ahitofel et akikomplut ed kinen Absalom, nampikasi, Pikasik ed sika, Katawan, a pagmaliw mon andi-kakanaan so simbawa nen Ahitofel!

2 Samuel 15:31 Iomraidhean Croise

2 Samuel 15:12

Nen mangibabagat si Absalom, angibakid baley na Gilo na mangawit ed kinen Ahitofel a sakey ed saray managsimbawa nen Ari David. Binmiskeg so komplut a sumpad ari, tan dinmakel iray akiolup ed kinen Absalom.

2 Samuel 16:23

Diad saraman a panaon, amin a simbawa nen Ahitofel et nipapasen a singa dilin salita na Dios; tinotombuk ira nen David tan si Absalom.

2 Samuel 17:14

Inkuanen Absalom tan amin da ray Israelita, “Maung so simbawa nen Cusai nen si Ahitofel.” Ginetma na Katawan ya ag natombuk so maung a simbawa nen Ahitofel, pian walay maoges ya onsabi ed kinen Absalom.

2 Samuel 17:23

Nen anengneng nen Ahitofel ya ag atombuk so simbawa to, kinabayoan toy asno to, insan pinmawil ed dilin baley to. Kayari ton inapiger so kipapasey kayaryan to, imbitay toy laman to. Nipompon ed lobuk na pamilya to.

2 Samuel 17:5

Inkuanen Absalom, “Tawag yo diay Cusai, ta dengelen tayoy nibaga to met.”

2 Samuel 17:7

Inmebat si Cusai, “Say simbawa natan nen Ahitofel et aliwan maung.

Say Libro nen Job 5:12

Deralen to ray plano na saray totoon masilib, tan erelen tod kasiliban da iray totoon makabat, pian ag onaligwas so antokaman a gagawaen da;

Saray Salmo 109:3

tan maoges iray ibabaga ra nipaakar ed siak; dodogpaan da ak ya anggan anggapoy makasengeg.

Saray Salmo 3:1

Amayamay iray kalaban ko, Katawan dakerakel iray onsusumpad siak!

Saray Salmo 41:9

Anggan say sankaasinggeran a kaarok, samay pampipiaan kon maung, samay mimikan ed siak, et nantraidoran to ak.

Saray Salmo 55:10

a liliberen day siudad ed agew tan labi, papanoen da na krimin tan gunigon.

Saray Salmo 55:12

No sakey a kabosul komuy manmumurmurad siak, nitepel ko; no sakey a kalaban komuy manleleglemew ed siak, sarasarag kon iyamutan.

Isaias 19:3

Pagmaliwen kon andi-kakanaan iray plano na Egipsio tan deralen koy kalakal da. Kerewen dan tulongan ira na saray talintaoy diriyos da tan mangipanon irad saray midyum tan mikerew irad saray inaatey na simbawa.

Isaias 44:25

Pagmamaliwen kon andi-kabaliksan iray managbuyon tan andi-kakanaan iray managparles. Susumlangen ko ray salita na saray makabat tan ipapanengneng kod sikaran anggapoy kabaliksan so kakabatan da.

Juan 13:18

“Aliwan para sikayon amin yan ibabagak; amtak iray pinilik. Balet nepeg a nasumpal so ibabagay Masanton Sulat, ‘Dinepakan ak na mimikan ed siak.’

1 CORINTO 1:20

No ontan sirin, antoy kana da ray makabat? Odino saray iskriba? Odino saray maung a dibatista ed sayan mundo? Ag ta impagmaliw na Dios ya anggapoy kabaliksan so kakabatan na sankamundoan?

Santiago 3:15

Ag nanlapud Dios yan kakabatan, no ag ingen minumundo, aliwan maispiritu tan dinidimonyo.