2 Samuel 15:24 - Maung A Balita Biblia

²⁴ Kaiba ray pari a si Sadoc. Saray Levita so nanawit na Kaban na Sipanan na Dios. Inggaton da tan ag da inala ya anggad amin a totoon kaiba nen David et akataynan la rad siudad. Wadman met si Abiatar a pari.

Maung a Balita Biblia

²⁴ Kaiba ray pari a si Sadoc. Saray Levita so nanawit na Kaban na Sipanan na Dios. Inggaton da tan ag da inala ya anggad amin a totoon kaiba nen David et akataynan la rad siudad. Wadman met si Abiatar a pari.

2 Samuel 15:24 Iomraidhean Croise

2 Samuel 15:27

Intuloy ton inkuan ed kinen Sadoc, “Sigi, awit moy Ahimaaz ya anak mo tan si Jonatan ya anak nen Abiatar; pawil ki lan walay kareenan ed siudad.

2 Samuel 15:35

Wadman ira di paparin Sadoc tan Abiatar; ibagam ed sikara so antokaman a narengel mod palasio.

2 Samuel 20:25

si Siva so sikritario na korti; di Sadoc tan Abiatar iray papari,

2 Samuel 6:13

Nen saray totoon angawit na Kaban na Sipanan et akakotdang iray anemira, pinatonda ra nen David, ta angibagat ed Katawan na sakey a bakan kalakyan tan sakey a pinataban kilaw a baka.

2 Samuel 8:17

si Sadoc a lakin anak nen Ahitob tan si Ahimelec a lakin anak nen Abiatar et sikaray papari; si Seraya so sikritario na palasio;

1 Saray Arari 1:8

Balet ag akigampid sikato si Sadoc a pari, si Benaya a lakin anak nen Jehoyada, si Natan a propita, si Simei, si Rei, tan saray umaantabay ed kinen David.

1 Saray Arari 2:26

Insan inkuanen Ari Solomon ed kinen Abiatar a pari, “Sempet ka lad abung mod bario diad Anatot. Kanepegan moy ompatey, balet ag ta ka pateyen natan, lapud sikay nanasikasod Kaban na Sipanan legan a kaibam si amak a David tan lapud akidamay kad saray gunigon da.”

1 Saray Arari 2:35

Si Benaya so insalat na ari ed kinen Joab a pangulo na saray sondalo, tan si Sadoc a pari so insalat tod kinen Abiatar.

1 Saray Awaran 15:2

Insan inkuanto, “Saray Levita labat so nepeg a manawit na Kaban na Sipanan, ta sikara labat so pinili ton manawit ed saya tan manlingkur ed sikato diad ando lan ando.”

Ezekiel 48:11

Sayan masanton pasen et para saray papari a say sengeg da et si Zadoc. Matoor iran nanlingkur ed siak tan ag ira akibabali ed saray arum ya Israelita diad impanggagawa ray kaogsan; aliwa ran singa saray kabyangay tribu nen Levi ya akibabali ra.

Saray Bilang 4:15

No asumpal lan sinakbungan di Aaron tan saray anak to iray masanton bengatla tan saray kagawaan da, ondago ray kabyangan na boleg nen Coat ta sikaray manawit na sarayan masanton bengatla no iyalis la so kampo. Saray kabyangay boleg nen Coat et ag da nepeg a diwiten iray masanton bengatla, ta no diwiten da ompatey ira. Sikara yay nepeg a gawaen na saray kabyangay boleg nen Coat kapag iyalis so Tulda.

Saray Bilang 7:9

Balet ag to initdan na kariton odino baka iray kabyangay boleg nen Coat, ta nepeg dan sakbaten iray masanton bengatla ya aasikasoen da.

Josue 3:3

tan inkuandad saray totoo, “No kanengneng yod saray paparin sankaawit day Kaban na Sipanan na Katawan a Dios yo, taynan yoy kampo tan tombuk kayod sikara.

Josue 3:6

Insan to imbagad saray papari a sakbaten da may Kaban na Sipanan tan onona ran ombuat nen saray totoo. Ginawa ra so imbaga to.

Josue 6:4

Pitoran papari a sankaawit na balang sakey ed sikara so trumpita, so onlad arap na Kaban na Sipanan. Diad kumapiton agew sika tan saray sondalom et nepeg yon liberen a mamimpito so siudad legan a papaknulen na saray papari iray trumpita.

Josue 6:6

Tinawag nen Josue iray papari tan inkuantod sikara, “Sakbat yoy Kaban na Sipanan, tan pitorad sikayo so manayam ed arap to a sankaawit da ray trumpita.”

1 Samuel 22:20

Balet akabatik si Abiatar a sakey ed saray lalakin anak nen Ahimelec, tan akikasakey ed kinen David.

1 Samuel 4:11

Asamsam so Kaban na Sipanan na Katawan, tan inatey ira di Ofni tan Finees a lalakin anak nen Eli.