2 Samuel 15:10 - Maung A Balita Biblia

¹⁰ Balet angibakid amin a tribu ed Israel tan impaikuanto, “No narengel yoy trumpita, iyeyag yo, ‘Nagmaliw ya ari ed Hebron si Absalom!’”

Maung a Balita Biblia

¹⁰ Balet angibakid amin a tribu ed Israel tan impaikuanto, No narengel yoy trumpita, iyeyag yo, Nagmaliw ya ari ed Hebron si Absalom!

2 Samuel 15:10 Iomraidhean Croise

2 Samuel 13:28

tan binilin to ray aripen to: “Imano yo no akainom lan maung si Amnon, tan kapangiganggan ko, patey yo. Ag kayo natatakot ta siak a dili so makaoley. Mampasebeg kayo tan ag kayo ontatalaw!”

2 Samuel 14:30

Kanyan inkuantod saray aripen to, “Dengel kayo, kaabay na alog ko so alog nen Joab, tan walay tanem ton sibada. Laka yo, ta poolan yo.” Kanyan linma ra tan pinoolan da may alog.

2 Samuel 15:9

Inkuan na ari, “Lakan walay kareenan.” Linma sirin ed Hebron si Absalom.

2 Samuel 19:10

Nilanaan tayoy Absalom a manari, balet apatey ed bakal. Kanyan akin et anggapoy mamapawil dia ed kinen Ari David?”

2 Samuel 2:1

Kayari to ya, tinepet nen David ed Katawan, “Onla ak a manakop ed sakey ed saray baley na Juda?” “On,” ebat na Katawan. “Dinan ey?” tepet nen David. “Say Hebron,” kuay Katawan.

2 Samuel 2:11

tan diad Hebron nanoley ed Juda na pitoy taon tan kapaldua.

2 Samuel 5:5

Diad Hebron nanoley ed Juda na pitora tan kapalduan taon, tan diad Jerusalem nanoley ed intiron Israel tan Juda na talomplo tan taloy taon.

1 Saray Arari 1:11

Insan linmay Natan ed kinen Bat-seba ya ina nen Solomon tan kuanto, “Ag mo ni nadngelan a si Adonias a lakin anak nen Hagit et ginawa toy sikaton dili ya ari? Ag ya kabat nen Ari David!

1 Saray Arari 1:34

Sikayon dua, Sadoc tan Natan, so manlana ed kinen Solomon a manari ed Israel. Insan yo paknulen so trumpita tan iyeyag yo, ‘Andokey komun so bilay nen Ari Solomon!’

2 Saray Arari 9:13

Saramay kapara nen Jehu ya opisyal inyaplag dan tampol ed tagey na saray balitang iray kolibemben da, ta toonan nen Jehu, pinaknul da ray trumpita insan da ineyag, “Ari si Jehu!”

1 Saray Awaran 11:3

Kanyan amin a panguloy Israel linma rad kinen Ari David diad Hebron. Diad arap na Katawan akisipanan ed sikara si David; nilanaan da et nagmaliw ya ari na Israel onung na insipan na Katawan ed panamegley nen Samuel.

1 Saray Awaran 12:23

Dakerakel iray sondalon akikasakey ed kinen David nen walad Hebron, ta mangiba rad pagmaliw ton ari ya onsalat ed kinen Saul, onung na insipan na Katawan. Say bilang da ray manlapud balang tribu et say onggendan: Juda; anem a libo tan walon lasus a lalakin dugad armas a walay samper tan pika ra; Simeon: piton libo tan sanlasus a sondalon ayadyariy inkapasal dan mibakal; Levi: apat a libo tan anem lasus a lalaki; Saray totoon nen Jeiada a kabyangan iray boleg nen Aaron; talonlibo tan piton lasus a lalaki; Saray kakanayon nen Sadoc a malangwer tan nayarin masebeg a mibabakal: duamplo tan duan pangulon lalaki; Benjamin (say dilin tribu nen Saul): talon libon lalaki (nansiansian matoor ed kinen Saul iray karaklan a totoo nen Benjamin); Efraim: duamplon libo tan walon lasus a sondalon bantug irad dilin boleg da; Kapalduay tribu nen Manases: labin walon libo a lalaki a pinili ran onla ta gawaen dan ari si David; Isacar: duanlasus a pangulo tan pati saray lalakin ipapangulo ra (lalaki ran makaamtad nepeg a gawaen na Israel tan makaamtad sankaabigan a panaon a panggawa); Zabulon: limamplon libon matoor tan napanmatalkan a lalakin akaparaan a mibakal, tan nipasal iran mangikana na antokaman ya armas; Neftali: sanlibon pangulo, pati saray talomplo tan piton libon lalakin akaarmas na samper tan pika; Dan: duamplo tan walon libo tan anem a lasus a lalakin nipasal a mibakal; Aser: apataplon libo a lalakin akaparaan a mibakal; Saray tribu a walad bokig na Jordan—Ruben, Gad, tan kapalduay Manases: sanlasus tan duamplon libo a lalakin nipasal a mangikanay amin a klasiy armas.

1 Saray Awaran 12:38

Amin da ra yan sondalo ya akaparaan a mibakal, linma rad Hebron ta tinibokel dad kanunotan da a gawaen si David a manarid intiron Israel. Akikasakey met ed sayan getma iray arum nin totood Israel.