2 Samuel 14:4 - Maung A Balita Biblia

⁴ Linma may bii ed ari, dinmakmomo ya anggad dalin a pamagalang to, tan kuanto, “Tulongan mo ak pa, Kagalang kon Ari!”

Maung a Balita Biblia

⁴ Linma may bii ed ari, dinmakmomo ya anggad dalin a pamagalang to, tan kuanto, Tulongan mo ak pa, Kagalang kon Ari!

2 Samuel 14:4 Iomraidhean Croise

2 Samuel 1:2

Diad mikatlon agew sinmabiy sakey a balolakin nanlapud kampo nen Saul. Diad pangipanengneng toy ermen to pinipilat toy kawes to tan ininan toy dabuk so olo to. Linmad kinen David tan dinmakmomo ya anggad dalin a pamagalang to.

2 Samuel 14:22

Si Joab tinmiblak ed dalin a pamagalang to, tan kuanto, “Bindisionan ka komuy Dios, Kagalang kon Ari! Amtak la natan a nalak so maung a linawam, ta inter moy kekerewen ko.”

2 Samuel 14:5

“Antoy labay mo,” tepet na ari. “Balo ak a mairap-bilay,” ebat to. “Inatey lay asawak.

2 Samuel 18:28

Insan inkulyaot nen Ahimaaz ed ari, “Maung ya amin so agawa.” Tinmiblak ed dalin ed arap na ari, tan kuanto, “Nagalang komun so Katawan a Dios mo ya angiter ed sika na pananalo ed saray totoon sinmumpa ed sika, Kagalang kon Ari!”

1 Samuel 20:41

Kasiput to may ogaw, pinmaway ed abonbonton iran bato si David, tinmalimukor tan amitlon dinmakmomo ya anggad dalin. Manakis iran dua nen Jonatan legan dan nanlakapan; maermen niy David nen si Jonatan.

1 Samuel 25:23

Nen anengneng nen Abigail si David, inmepas a tampol tan tinmikleb ed dalin,