2 Samuel 14:32 - Maung A Balita Biblia

³² Inmebat si Absalom, “Ag ka ondago nen impatawag ta kan onla dia, pian nibaki ta kad ari ya ontepet diad ngaran ko: ‘Akin et tinaynan ko niy Gesur tan linma ak dia? Maung la laingen no ag ak inmalis diman.’” Intuloy nen Absalom so nansalita, “Gawam so polaing a pakapitongtong kod ari, tan no walay kasalanan ko, papatey mo ak ed sikato.”

Maung a Balita Biblia

³² Inmebat si Absalom, Ag ka ondago nen impatawag ta kan onla dia, pian nibaki ta kad ari ya ontepet diad ngaran ko: Akin et tinaynan ko niy Gesur tan linma ak dia? Maung la laingen no ag ak inmalis diman. Intuloy nen Absalom so nansalita, Gawam so polaing a pakapitongtong kod ari, tan no walay kasalanan ko, papatey mo ak ed sikato.

2 Samuel 14:32 Iomraidhean Croise

Genesis 3:12

Inmebat imay laki, “Samay biin inter mon kaibak et inter tod siak imay bunga, insan ko kinan.”

2 Samuel 13:37

Batik si Absalom tan linmad ari na Gesur a si Talmai a lakin anak nen Amihud, tan nanayam diman na taloy taon. Abayag ya inermenan nen David si Amnon;

2 Samuel 14:31

Linmay Joab ed abung nen Absalom tan tinepet to, “Akin et pinoolan na saray aripen mo so alog ko?”

2 Samuel 3:3

Kileab, a say ina to et si Abigail a balo nen Nabal a taga Carmel; Absalom, a say ina to et si Maaca ya anak nen Ari Talmai a taga Gesur;

Saray Salmo 36:2

Lapud atagey a tuloy so pangipapasen tod sikaton dili, abaloan ton say kasalanan to et ag la naamtaay Dios tan ag to la pakadusaan.

Exodo 14:12

Ag mi ta la imbagad sika kasakbayan tayon tinmaynan ya onyay nagawa? Imbaga mid sika a paolyan mo kami lan mambukbukor tan akaoley kami lan manlingkur ya ariripen na saray Egipsio. Maung niy kipapasen na aripen nen say ompatey dia ed kalawakan.”

Exodo 16:3

Inkuandad sikara, “Magmaung ni la laingen komun no say Katawan et pinapatey to kamid man ed Egipto. Nayarian mid may ondongo a mangan na karni tan arum ni ran kakanen ed anggaay nayarian mi. Balet inawit yo kami a pateyen ed eras diad kalawakan.”

Exodo 17:3

Balet mapalaloy inkapgaan na saray totoo, kanyan intuloy day nanriklamo ed kinen Moises. Inkuanda, “Akin et impaway mo kamid Egipto? Pian napatey mo kamid eras, sikami, saray anak mi, tan saray ayayep mi?”

Probirbio 28:13

Ag ka onaligwas ed bilay no iyamut mo ray kasalanan mo, balet no ipatwam ira tan ibeneg mo la ra, kasian ka na Dios.

Jeremias 8:12

Totook, ambaing kayo kasi lapud ginagawa yo ra yan makapaingungot a bengatla? Andi! Anggapon balut so baing yo; ag anggan ombabalangay lupa yo! Kanyan natumba kayo a singa impakatumbay arum; no dusaen ta kayo, samput yo la. Siak, say Katawan, so nansalita.

Mateo 25:44

Insan onebat ira, ‘Katawan, kapigay impakanengneng mid sikan narasan o napgaan, o sakey a sangkaili, o anggapoy nisulong, o mansasakit, o apriso, et ag mi ka tinulongan?’

Saray Taga Roma 3:19

Natan amta tayo ya amin iray walad Ganggan et para saray walad silong na Ganggan, pian napatonda toy pambabaraan na amin a katoowan tan napasilong tod panagsintinsia na Dios so sankamundoan.

1 Samuel 15:13

Linmay Samuel ed kinen Saul tan angilugay ed sikato, “Bindisionan kay Katawan. Samuel! Inonur koy ganggan to.”

1 Samuel 20:8

Ipangasim pan gawaen ya para siak, tan sumpal moy masanton sipanan ta. Balet no nankasalanan ak, sika lan diliy mamatey ed siak! Akin et abuloyan mon say amam so manggawa?”