2 Samuel 14:17 - Maung A Balita Biblia

¹⁷ Inkuankod siak a dili a say sipan mo, Kagalang kon Ari, et iyarawi to ak ed kaatapan, ta say ari et singa anghil na Dios tan napambiigan toy maung tan maoges. Wala komun ed sika so Katawan a Dios mo!”

Maung a Balita Biblia

¹⁷ Inkuankod siak a dili a say sipan mo, Kagalang kon Ari, et iyarawi to ak ed kaatapan, ta say ari et singa anghil na Dios tan napambiigan toy maung tan maoges. Wala komun ed sika so Katawan a Dios mo!

2 Samuel 14:17 Iomraidhean Croise

2 Samuel 14:18

Inmebat so ari, “Tepetan ta ka, et ibagam ed siak so amin a katwaan.” “Mantepet ka, Kagalang kon Ari,” ebat to.

2 Samuel 14:20

Balet ginawa to ya, pian naapiger so antokaman ya aderal. Balet makabat a singa anghil na Dios so Kagalang kon Ari tan kabat toy amin a nagagawa.”

2 Samuel 19:27

Nantilad sika nipaakar ed siak, balet singa ka anghil na Dios, kanyan gawam so antokaman ya amtam a maabig.

2 Samuel 19:28

Kanepegan a pateyen mo ray amin a kabyangay boleg nen Saul, balet initdan mo ak na kanepegan a mangan ed lamisaan mo. Anggapo lay kanepegan kon onkerew ni na antokaman a panangasi ed sika.”

1 Saray Arari 3:28

Nen nadngelan na saray totood Israel yan impanintinsia nen Solomon, mapalaloy panamagalang dad sikato, ta amta ran initdan na Dios na kakabatan a mangiter na katonungan.

1 Saray Arari 3:9

Kanyan itdan mo ak pay kakabatan a nakaukolan kod matonung a panoley ed saray totoom tan pakaamta na pandomaan na maung tan maoges. Ta no andi, panon kon naoleyan ira yan matalonggaring a totoom?”

Say Libro nen Job 6:30

Balet iisipen yon mantitila ak— abaloan yon ag ko napambiigan so maung tan maoges.

Probirbio 27:21

Say apoy susuboken toy balituk tan pilak; ontan met say kagalangan na sakey a too nayarin suboken.

Probirbio 29:5

No papalikdoen moy kaparam a too, papatitan moy sikan dili.

Saray Hebreo 5:14

Balet say kakanen ya anawet, para saray matakken la a pasal da lay mangikana na liknaan da a mangibiig ed maung tan maoges.

Josue 1:17

Onuren mi ka a singa impangonur mi lawas ed kinen Moises; wala komun ed sika so Katawan a Dios mo a singa inkiwala tod kinen Moises!

1 Samuel 29:9

Inmebat si Akis, “Tua tay imbagam. Ipapasen ta kan matoor a singa sakey ya anghil na Dios. Balet inkuan na saray arum a panguloy sondalo ya ag ka makapilad sikamin mibakal.