2 Samuel 12:13 - Maung A Balita Biblia

¹³ “Nankasalanan ak ed Katawan,” kuanen David ed kinen Natan. Inmebat si Natan, “Pinirdona ka na Katawan; ag ka ompatey.

Maung a Balita Biblia

¹³ Nankasalanan ak ed Katawan, kuanen David ed kinen Natan. Inmebat si Natan, Pinirdona ka na Katawan; ag ka ompatey.

2 Samuel 12:13 Iomraidhean Croise

Genesis 39:9

Nampara lay pakaoley mi ed sayan abung tan anggapoy ag to inter ed siak, likud ed sika. Ag ko nayarian a gawaen itan a kabandayan, ta mankasalanan ak ed Dios.”

2 Samuel 24:10

Balet kayariy impakabilang nen David ed saray totood Israel, ag pareenen na konsinsia to, kanyan kuantod Katawan, “Ambelat so kasalanan ko lapud sayan ginawak! Pirdona mo ak pa. Inaambagel so ginawak.”

2 Samuel 24:17

Anengneng nen David imay anghil a mamapatey na saray totoo, tan kuantod Katawan, “Siak so nankasalanan. Siak so nanggaway kaogsan. Antoy ginawa na sarayan totoo? Nepeg a siak tan say pamilyak so dusaen mo.”

1 Saray Arari 13:4

Nen nadngel ya nen Jeroboam, intoro to may too tan ingganggan to, “Erel yo man a too!” Aparalitikon tampol so taklay na ari, kanyan ag to la napikus.

1 Saray Arari 21:20

Nen anengneng nen Acab si Elias inkuanto, “Nalmo mo ak lamet, kalaban ko?” “On, nalmo ta ka lamet,” ebat nen Elias. “Sigput so panggagawam na kaogsan ed arap na Katawan.

1 Saray Arari 22:8

Inmebat si Acab, “Wala niy sananey, si Micaya a lakin anak nen Imla. Balet kabosul ko, ta ag balut mampropropisiya na pankaabigan ko; pakaderalan kon amin.” “Ag mo nepeg ya ibaga tan!” ebat nen Josafat.

2 Saray Arari 1:9

Insan angibaki na opisyal to tan limamplon lalaki, ta erelen day Elias. Arumog na samay opisyal si Elias a manyodyorung ed toktok na sakey a pokdul, tan kuantod sikato, “Too na Dios, ingganggan na ari ya onakseb ka.”

1 Saray Awaran 21:8

Inkuanen David ed Dios, “Ambelat so kasalanan ko lapud sayan ginawak! Pirdona mo ak pa. Inaambagel so ginawak.”

2 Saray Awaran 16:10

Lapud saya mapalaloy pasnuk nen Asa ed samay propita tan impagolung-golungan to. Diad sayan panaon met, ginapwan nen Asa a pinapairap iray arum a totoo.

2 Saray Awaran 25:16

Tinepet nen Amasias, “Kapigan lay impanggawa mid sikan sumisimbawa na ari? Tonda ka lan mansalita, ta no andi papatey ta ka!” Tinmonda may propita kayari ton inkuan, “Amtak la natan a ginetma lay Dios a deralen to ka, lapud ginawam ira yan amin tan ag mo dinengel so simbawak.”

Say Libro nen Job 33:27

Ibaga tod arap na saray totoo, ‘Nankasalanan ak. Maoges iray ginagawak, balet pinirdona ak na Dios.

Saray Salmo 103:12

No panoy kaarawiy bokig ed abalaten, ontan met so kaarawiy impangekal tod sikatayo na saray kasalanan tayo.

Saray Salmo 51:16

Ag mo labay iray bagat, ta no labay mo ra komun, isaklang ko la rad sika; ag mo pakaliliketay bagat iran popoolan.

Saray Salmo 51:4

Sika labat, anggapo lay arum, so nankasalananan ko, tan ginagawak iray ipapasen mon maoges. Kanyan matonung so panisintinsiam ed siak.

Saray Salmo 51:6

Say matoor a puso so pampipilalekan mo; panom pa na kakabatan mo so kanunotan ko.

Exodo 9:27

Impaawit na ari ira di Moises tan Aaron tan kuanto, “Siak natan so nankasalanan; say Katawan so walad katonungan, balet saray totook tan siak so walad kaogsan.

Probirbio 25:12

Say pasakbay ya inter na toon walay salsali tod panagbilay ed toon sipaparaan ya ondengel et mabli ni nen saray balituk a singsing odino saray alahas a puron balituk.

Probirbio 28:13

Ag ka onaligwas ed bilay no iyamut mo ray kasalanan mo, balet no ipatwam ira tan ibeneg mo la ra, kasian ka na Dios.

Isaias 38:17

Say kapaitan na bilay ko et nasalatan na inawa. Iyaagel moy bilay ko ed amin a kaatapan; Pipirdonaen moy amin a kasalanan ko.

Isaias 43:24

Ag mo ak insaliwan na insinso odino pinenek ak na taba na saray tabay ayayep mo. Say agawa, ingen, et siak so impansakbat mo lapud saray kasalanan mo; pinakesaw mo ak lapud saray kaogsan a ginagawam.

Isaias 44:22

Saray kasalanan mo et impapalir ko ra a singa lorem. Pawil kad siak; siak so mangilalaban ed sika.”

Saray Tagleey 3:32

Anggaman a panermenen to itayo, kasian to tayo onung na daakan ya ag mangoman a panangaro to.

Levitico 20:10

No say sakey a too et mikaloguran ed asawa na kapara ton Israelita, sikato tan say biin akikaloguranan to et nepeg iran pateyen.

Levitico 24:17

“Siopamay mamatey na kapara ton too, nepeg a pateyen,

Zacarias 3:4

Samay anghil kuantod mangatatawen iran igaganggan, “Lakseb yod sayan laki so maringot ya akasolung ed sikato.” Insan to inkuan ed kinen Josue, “Inekal ko ray kasalanan mo tan itdan ta kay balon kawes ya isolung mo.”

Mateo 14:10

Kanyan impapotul toy olo nen Juan.

Lucas 15:21

‘Ama,’ kuanen anak, ‘nankasalanan ak ed Dios tan diad sikayo. Ag ak la manepeg a tawagen yon anak yo.’

Lucas 18:13

Samay sumisingil na buis balet, arawdawiy nanalageyan to, tan ngalngali ag to itangwad tawen so lupa to. Tinapuktapuk toy pagew to tan inkuanto, ‘O Dios, kasian mo ak pa a makasalanan!’

Saray Gawgawa 2:37

Nen nadngel ya na saray totoo, agunigon ira, tan tinepet dad kinen Pedro tan saray arum ya apostol, “Agagi, antoy nepeg min gawaen?”

Saray Hebreo 9:26

Ta no andi, nakaukolan komun a mamimpigapigan ompatey nanlapu lad inkapalsay mundo. Balet natan aminsan labat a nampanengneng, nen mansasamput la ray panaon, pian napaandi toy kasalanan, diad panamegley na impangibagat tod sikaton dili.

1 Juan 1:7

Balet no mambilay itayo ed silew a singa sikato et walad silew, walay maung a pankakasakey tayo tan say dala na Anak ton Jesus et linisan to itayo ed amin a kasalanan.

Puyan 1:5

tan manlapu met ed Jesu-Cristo, say matoor a tasi, say pangulowan ya Anak ya inmolid bilay, tan sikato so manoley ed saray arari diad tapew na dalin. Inaro itayo nen Jesu-Cristo tan diad panamegley na dala to, imbolus to itayod saray kasalanan tayo.

1 Samuel 15:20

“Inonur koy Katawan,” ebat nen Saul. “Linma ak ed angibakian to, inalak a mabilay si Ari Agag, tan pinapatey ko ray amin ya Amalecita.

1 Samuel 15:30

“Nankasalanan ak,” ebat nen Saul. “Balet pagalangan mo ak pa ni labat diad arap da ray pangulo na totook tan amin a totood Israel. Mila kad siak pian nigalang koy Katawan a Dios mo.”