2 Samuel 11:11 - Maung A Balita Biblia

¹¹ Inmebat si Urias, “Mibabakal iray totood Israel tan Juda, a kaiba ray Kaban na Sipanan; say pangulok a Joab tan saray opisyal to et wala rad kampo diad kaalogan. Panoy isempet kod abung, mangan, oninom, tan onogip a kaakdul koy asawak? Diad ngaray tawen, isambak ya ag ko ya nayarin gawaen!”

Maung a Balita Biblia

¹¹ Inmebat si Urias, Mibabakal iray totood Israel tan Juda, a kaiba ray Kaban na Sipanan; say pangulok a Joab tan saray opisyal to et wala rad kampo diad kaalogan. Panoy isempet kod abung, mangan, oninom, tan onogip a kaakdul koy asawak? Diad ngaray tawen, isambak ya ag ko ya nayarin gawaen!

2 Samuel 11:11 Iomraidhean Croise

2 Samuel 11:10

Nen nadngelan nen David ya ag sinmempet ed abung si Urias, tinepet tod sikato, “Abayag lay inkaandim tan kasabi-sabim; akin et ag ka ni sinmempet?”

2 Samuel 14:19

“Si Joab so nambangat ed sikad saya?” tepet na ari. Inmebat may bii, “Isambak ed tawen, Kagalang kon Ari, ya anggapoy polaing a makapangipaliis na pangebat ed tepet mo. Say katawan to, si opisyal mon Joab so angibangat na gawaen tan salitaen ko.

2 Samuel 20:6

Kanyan inkuan na ari ed kinen Abisai, “Mapalalo nin gunigon so iter nen Seba nen si Absalom. Alam iray totook ta osilan yo, ta no andi onloob ed pigaran baley ya aliber na padir insan to tayo la ibatikan.”

2 Samuel 7:2

Insan inkuan na ari ed kinen propita Natan, “Wadya ak a manaayam ed abung a sidro, balet say Kaban na Sipanan na Dios et akasinup labat ed dalem na sakey a tulda!”

2 Samuel 7:6

Nanlapu lad impangipaway kod saray totood Israel ed Egipto ya anggad natan, ag ak balut nanayam ed dalem na timplo; diad dalem na tulday nanaayaman ko tan nanaakar-akar ak.

Saray Bilang 32:6

Inmebat si Moises, “Labay yoy manayam dia legan ya onlan mibakal iray kapara yon Israelita?

Juan 13:14

No siak sirin a Katawan tan Maistro yo et inorasan ko ray sali yo, nepeg met a manoorasan kayoy sali.

2 Timoteo 2:12

No ituloy tayoy mantepel, nakaiba ti met a manoley. No sikato so ibori tayo, sikatayo met so ibori to.

1 Samuel 1:26

Inkuanen Ana ed kinen Eli, “Nabirbir yo ak ni? Siak imay biin anengneng yon manalalagey dian mampipikasi ed Katawan.

1 Samuel 14:18

“Awit yo dia may ipod” kuanen Saul ed kinen Ahias a pari. (Diad saman ya agew sankaawit nen Ahias ed onaan da ray Israelita.)

1 Samuel 17:55

Nen si Saul et anengneng toy David ya onlan milaban ed kinen Goliat, tinepet tod kinen Abner a pangulo na saray sondalo to, “Siopa man a balolaki?” “Ag ko amta, O ari,” ebat nen Abner.

1 Samuel 20:3

Balet inmebat si David, “Kabkabat nen amam so ontan lan panangarom ed siak, kanyan ginetma to lan iyamut ed sikay gawaen to, pian ag ka nasakitan a maung. Sambaan kod sika diad ngaray mabilay a Katawan a wala ak lad sangabay lobuk!”

1 Samuel 25:26

Say Katawan so manesebel a sikan dili so ombawi tan mamatey ed saray kalaban mo. Natan sambaan ko diad ngaran na mabilay a Katawan a nadusan singa si Nabal iray kalaban mo tan amin da ray malabay a mamasakit ed sika.

1 Samuel 4:4

Kanyan angibaki ray pigaran totoo ed Silo tan inala ra may Kaban na Sipanan na Katawan a Makapanyarin-amin, a walad trono diad tagey na saray kiruben. Inolup na saray lalakin anak nen Eli, a di Ofni tan Finees, so Kaban na Sipanan.