2 Samuel 10:6 - Maung A Balita Biblia

⁶ Abirbir na saray Ammonita ya agawa ran kalaban si David, kanyan angupa ray duamplon libon Sirianon sondalo a taga Bet-rehob tan Soba, labinduan libon lalaki a taga Tob, tan say ari ed Maaca a kaiba to ray sanlibon totoo to.

Maung a Balita Biblia

⁶ Abirbir na saray Ammonita ya agawa ran kalaban si David, kanyan angupa ray duamplon libon Sirianon sondalo a taga Bet-rehob tan Soba, labinduan libon lalaki a taga Tob, tan say ari ed Maaca a kaiba to ray sanlibon totoo to.

2 Samuel 10:6 Iomraidhean Croise

Genesis 34:30

Inkuanen Jacob ed kindi Simeon tan Levi, “Initdan yo ak na gunigon; natan bosulen ak na saray Cananeo, saray Perezeo, tan amin iray wadyad sayan pasen. Dagdaiset iray totook; no mankakasakey iran amin, insan da ak labanan, ompatey so intiron pamilya tayo.”

2 Samuel 10:5

Ag da labay so onsempet, ta ontan lay baing da. Nen akabatan nen David so agawa, impaibaga ton manayam ni rad Jerico ya anggad itoboy balbas da, insan la ra onsempet.

2 Samuel 10:7

Akabatan ya nen David, kanyan imbaki toy Joab tan saray amin a sondalo to.

2 Samuel 16:21

Inmebat si Ahitofel, “Laka, ta akdulan mo ray bibiin inamung nen amam ya intilak to ran manasikasod palasio. Diad ontan, nakabatan na intiron Israel a bobosulen ka nen amam, tan napabiskeg so linawa da ray totoom.”

2 Samuel 8:12

Edom, Moab, Amnon, Filistia, tan Amalec—tan ontan met ed kabyangan na saray nala tod kinen Hadadezer.

2 Samuel 8:3

Insan to tinaloy ari na Zoba a si Hadadezer a lakin anak nen Rehob, legan ya oonlay Hadadezer a mamapawil na pakaoley tod dalin a kaabay na Ilog na Eufrates.

2 Samuel 8:5

Nen saray taga Siria et angibaki ra na saray sondalon ontulong ed Ari Hadadezer, dinogpaan ira nen David tan pinatey toy duamplo tan duan libon lalaki.

1 Saray Arari 11:24

tan nagmaliw a pangulo na grupoy tutulisan. (Agawa ya nen tinalo nen David si Hadadezer tan pinapatey to ray Sirianon kakaiba to.) Linman nanayam ed Damasco si Rezon tan saray totoo to, tan ginawad man na totoo to ya arid Siria.

2 Saray Arari 7:6

Imparengel na Katawan ed saray Siriano so tanul na idodogpa na saray dakerakel a sondalon akakabayo tan akakarwahi, kanyan abaloan na saray Siriano ya impaibaan so ari na Israel ed saray Heteo tan saray Egipsio tan saray arari ra ya ondogpad sikara.

Saray Salmo 48:4

Nantitipon iray arari tan dinmago ran dinmogpa ed Palandey na Sion.

Exodo 5:21

Inkuandad kindi Moises tan Aaron, “Sankanengneng na Katawan yan ginawa yo. Andi-saew a dusaen to kayo, lapud sikayoy makasengeg na pamobosul ed sikami na ari tan saray opisyal to. Initdan yo ray baraan dan mamatey ed sikami.”

Probirbio 25:8

Ag ka bengat-bengat a mangisesegep ed korti na kason nipaakar ed anengneng mo. Ta antoy gawaen mo no walay arum a tasin mamaneknek a nalilingo ka?

Jeremias 40:8

Kanyan nila ra si Gedalias ed Mizpa. Saray linma et di Ismael a lakin anak nen Natanias, Johanan a lakin anak nen Carea, Seraya a lakin anak nen Tanhumat, saray lalakin anak nen Efai a taga Metofat, tan Jezanias a taga Maaca.

Jeremias 46:21

Anggan saray uupaan to ran sondalo et singa ra bakan anggapoy nitulong. Ag ira inmalagey a linmaban; pinmoliktar iran amin tan batik ira. Sinmabiy agew na pakadusa ra, say oras na kaderal da.

Deuteronomio 3:14

Si Jair a kabyangan na tribu nen Manases et inala ton kayaryan so intiron dalin na Argob, a salanti say Basan, ya anggad ketegan na Gesur tan Maaca. Inngaran tod sikaton dili iray bario, tan anggad natan atawag ni ra a bario nen Jair.)

Saray Huis 11:3

Tinaynan nen Jefte iray agagi to tan nanayam ed dalin na Tob. Naayat tod man ya akiolup ed sikato iray lalakin maoges, tan nanoolup iran nanliber-liber a nanggagawa na kaogsan.

Saray Huis 11:5

Nen agawa ya, linmad dalin na Tob iray pangulo na Galaad, ta awiten day Jefte.

1 Samuel 13:4

Abalitaan na amin ya Israelita a pinatey nen Saul so pangulo na saray sondalo na Filistia tan kabosul iray Filisteo. Kanyan diad impakadngel na saray totoo ed tawag, akitipon irad kinen Saul diad Gilgal.

1 Samuel 27:12

Balet nanmatalek si Akis ed kinen David, tan kuantod sikaton dili, “Kabosul a maung na saray dilin totoo ton Israelita, kanyan manlingkur ed siak legan ton mambilay.”