2 Samuel 1:2 - Maung A Balita Biblia

² Diad mikatlon agew sinmabiy sakey a balolakin nanlapud kampo nen Saul. Diad pangipanengneng toy ermen to pinipilat toy kawes to tan ininan toy dabuk so olo to. Linmad kinen David tan dinmakmomo ya anggad dalin a pamagalang to.

Maung a Balita Biblia

² Diad mikatlon agew sinmabiy sakey a balolakin nanlapud kampo nen Saul. Diad pangipanengneng toy ermen to pinipilat toy kawes to tan ininan toy dabuk so olo to. Linmad kinen David tan dinmakmomo ya anggad dalin a pamagalang to.

2 Samuel 1:2 Iomraidhean Croise

Genesis 22:4

Nen kumatlon agew abantag nen Abraham imay pasen.

Genesis 37:29

Nen pinmawil ed samay bobun si Ruben tan anengneng ton anggapo lad may Jose, pinilat toy kawes to diad ermen to.

Genesis 37:34

Pinilat nen Jacob so kawes to diad ermen to tan nansolung na sako. Abayag a nanermen lapud si anak to.

Genesis 43:28

Inmebat ira, “Say ama mi a mugmon aripen mo et mabilay ni tan maksil ni.” Insan tinmalimukor ira tan tinmuek irad sikato.

2 Samuel 1:3

Tinepet nen David, “Nanlapwan mo?” “Akabatik ak manlapud kampo na Israel,” ebat to.

2 Samuel 13:19

Ininan toy dapul so olo to, pinilat toy kawes to, tan linma lan manakis a sankaakup toy lupa to.

2 Samuel 14:4

Linma may bii ed ari, dinmakmomo ya anggad dalin a pamagalang to, tan kuanto, “Tulongan mo ak pa, Kagalang kon Ari!”

2 Samuel 15:32

Kasabi nen David ed toktok na pokdul a kawalaay pasen na panangigalangan ed Dios, inabet nen Cusai ya arkita ya apilat so kawes to tan walay dabuk na olo to.

2 Samuel 24:20

Inmosdung si Arauna et anengneng toy ari tan saray opisyal to ya ondaragod sikato. Diad pamagalang to tinmiblak ed arap nen David,

2 Samuel 4:10

Samay angibalitad siak diad Siclag na impatey nen Saul et abaloan ton sankaawit toy maung a balita. Siningkat ko tan impapatey ko. Sikato may tumang ya inter kod sikato lapud samay maung ya imbalita to!

Ester 4:16

“Laka, ta pantitipon mo ray amin a Judion walad Susa; manayuno kayo tan mampikasi kayon para siak. Ag kayo mamangan odino oniinom na antokaman ed loob na taloy agew tan taloy labi. Onya met so gawaen ko tan saray bibiin managlingkur ed siak. Kayari na sayan gawaen tayo, onla ak ed ari, anggaman a sumlang ed ganggan. No nepeg ya ompatey ak, sipaparaan ak ya ompatey.”

Ester 5:1

Diad kumatlon agew na panaayuno nen Ester, insolung toy kawes ton riyna, tan linman nanalagey ed dalem a patio na palasio diad arap na kuarton kawalaay trono. Wadman so ari ya akayorung ed trono tan akaarap ed lolooban.

Saray Salmo 66:3

Kuanyod Dios, “Makapakelkelaw iray gagawaen mo! Diad kabaleg na pakayarim, sitatakot ya ondadakmomod sika iray kalaban mo.

Ezekiel 27:30

Ampait so impanermen da ed sika, Tinupak day dabuk so kaolowan da tan nantitiblak irad dapul.

Oseas 6:2

Diad loob na duara odino taloran agew pabilayen to itayo, tan mambilay itayod arap to.

Joel 2:13

Ipapuso yoy panermen yo; aliwan masarag so pampilat yod kawes yo.” Pawil kayod Katawan a Dios yo, ta maabagey tan mapangasi; sikatoy maanos tan totooren toy sipan to; sipaparaan a mamirdona, aliwan manusa.

Mateo 12:40

No panoy impanayam nen Jonas a taloy agew tan labi ed dalem na eges na balbaleg a sira, ontan met so panayam na Anak na Too a taloy agew tan labi diad dalem na dalin.

Mateo 16:21

Nanlapud saman, ginapoan ya imbaga nen Jesus a nakaukolan ya onla ed Jerusalem tan pairapen na saray mamatakken na baley, saray manonan papari, tan saray iskriba. Papatey da, balet onolid bilay diad kumatlon agew.

Josue 7:6

Si Josue tan saray pangulo na Israel pinipilat day kawes da lapud ermen da, intitiblak day laman da ed dalin diad arap na Kaban na Sipanan na Katawan, tan nandodokul irad man ya anggad labi, a kadadabuk so kaoloan da diad pangipanengneng dad ermen da.

Puyan 3:9

Dengel ka! Paonlaen ko rad sika tan padakmomoen kod arap mo ray kakaiba nen Satanas a matitila tan mangibabagan Judio ra anta andi, pian nakabatan da ya inaro ta ka.

1 Samuel 20:41

Kasiput to may ogaw, pinmaway ed abonbonton iran bato si David, tinmalimukor tan amitlon dinmakmomo ya anggad dalin. Manakis iran dua nen Jonatan legan dan nanlakapan; maermen niy David nen si Jonatan.

1 Samuel 25:23

Nen anengneng nen Abigail si David, inmepas a tampol tan tinmikleb ed dalin,

1 Samuel 4:12

Manlapud lawak na bakalan walay sakey a toon kabyangay boleg nen Benjamin a binmatik ya onlad Silo. Sinmabi ed samay agew lamlamang ya insiput to. Diad pangipanengneng toy ermen to, pinipilat toy kawes to tan ininan toy dabuk so olo to.

1 Samuel 4:16

Inkuan na samay too, “Akapaliis ak manlapud lawak na bakalan tan ag ak tinmondan binmatik ya angga dia, diad sayan agew.” Tinepet nen Eli ed sikato, “Antoy agawa, anak ko?”